మహిళలు బహిరంగంగా మాట్లాడొద్దు

కాబూల్​​: తాలిబాన్​ లో రోజురోజుకు మహిళలపై కఠిన ఆంక్షలు కొనసాగుతున్నాయి. మహిళలు బహిరంగం మాట్లాడొద్దని తాలిబాన్​ తాజా ఆంక్షలను విధించింది. ఈ ఆంక్షలతో ఆప్ఝాన్​ లో మహిళల జీవితాలు ఎంత దుర్భరంగా కొనసాగుతున్నాయనే విషయం అర్థమవుతోంది. ఆఫ్ఘాన్​ నుంచి అమెరికా దళాలు వైదొలగడం, తాలిబాన్​ ఆఫ్ఘాన్​ ను హస్తగతం చేసుకోవడం అటు పిమ్మట లేనిపోని చట్టాలన్నీ ప్రజలపై రుద్దడంతో అక్కడి ప్రజల జీవితం నానాటికి అగాథంలోకి వెళుతోంది. పలు అంతర్జాతీయ మానవ హక్కుల చట్టాల ప్రకారం ఆఫ్ఘాన్​ లో వృద్ధులు, మహిళలు, పిల్లల జీవితాలను తాలిబాన్​ నియంత్రిస్తోంది. తాము నిర్దేశించుకున్న చర్యలను అమలు చేసేందుకు హింసనే ప్రధాన ఆయుధంగా వాడుతోంది. ఈ రకమైన నియమ నిబంధనలను అమలు చేయడం పట్ల ఇస్లామిక్​ ధర్మాన్ని కాపాడుతున్నామని పలువురు చెప్పడం విశేషం.