ఇక టిక్‌టాక్ మస్క్​ దే?! త్వరలో జరగనున్న డీల్​ కు రంగం సిద్ధం

వాషింగ్టన్​ డీసీ: టిక్‌టాక్ ను సొంతం చేసుకోవాలని ఎలన్​ మస్క్​ ఆరాటపడుతున్నారు. ఈ చైనా కంపెనీపై పలు ఆరోపణల నేపథ్యంలో ప్రపంచవ్యాప్తంగా పలు దేశాలు టిక్​ టాక్​ ను బ్యాన్​ చేశాయి. భారత్​ కూడా దీనిపై బ్యాన్​ విధించింది. అమెరికాలోనూ జో బైడెన్​ ప్రభుత్వం బ్యాన్​ విధించింది. ఇందుకు అమెరికా సుప్రీంకోర్టు కూడా సై చెప్పింది. కాగా ట్రంప్​ అధికారంలోకి రాగానే అమెరికన్​ చట్టాల ప్రకారం ఈ సంస్థలోని 50 శాతం వాటా స్థానికులదైతే దానిపై బ్యాన్​ ఎత్తేయనున్నారు. నిషేధం విధించకముందు ఈ సంస్థ అమెరికా మార్కెట్​ వాల్యూ 200 బిలియన్​ డాలర్లు. ప్రస్తుతం దాని ధర కేవలం 40 బిలియన్​ డాలర్లే. ఈ నేపథ్యంలో తన ఆప్తమిత్రుడు ట్రంప్​ అధికారంలోకి రావడంతో ఎలన్​ మస్క్​ టిక్​ టాక్​ ను కొనేందుకు రంగం సిద్ధం చేసుకుంటున్నాడు. దీంతో అత్యంత తక్కువ ధరలోనే ఈ సంస్థలోని 50 శాతం వాటాను దక్కించుకునే అవకాశం ఉంది. టిక్​ టాక్​ కు అమెరికాలో 17 కోట్ల మంది వినియోగదారులున్నారు. ఈ నేపథ్యంలో మస్క్​ ఆర్థికంగా మరింత పరిపుష్ఠికి రంగం సిద్ధమైంది. ఈ నేపథ్యంలో 75 రోజుల్లోగా వాటాల విక్రయం చైనా సంస్థ తీసుకుంటుందా? లేదా? అన్నది ప్రశ్నార్థకంగా మారింది. ఒక వేళ తీసుకోకుంటే టిక్​ టాక్​ పై నిషేధం అలానే కొనసాగి దాని ధర మరింత దిగజారే ప్రమాదం పొంచి ఉంది. అదే సమయంలో టిక్​ టాక్​ లో 50 శాతం వాటాను దక్కించుకున్నాక మస్క్​ ఈ సంస్థను భారత్​ లోనూ ప్రవేశపెట్టే అవకాశాలు మెండుగా ఉండడం విశేషం.