భారతీయులను వెనక్కి తెస్తాం
మోసపూరితంగా వ్యవహరించిన వారిని వదలం.. విదేశాంగ శాఖ మంత్రి అధికార ప్రతినిధి రణధీర్ జైస్వాల్
నా తెలంగాణ, ఢిల్లీ: రష్యాలో మోసపూరితంగా చిక్కుకుపోయిన భారతీయులను వెనక్కి తీసుకువస్తామని విదేశాంగ మంత్రి అధికార ప్రతినిధి రణధీర్ జైస్వాల్ అన్నారు. శుక్రవారం ఆయన మీడియాతో మాట్లాడారు. వారిని వెనక్కి తీసుకువచ్చేందుకు అన్ని రకాల చర్యలను తీసుకుంటామని స్పష్టం చేశారు. అదే సమయంలో వారిని మోసపూరితంగా అక్కడికి తరలించిన ఏ ఒక్కరిని వదలిపెట్టబోమన్నారు. చట్టపరంగా కఠిన చర్యలు తీసుకుంటామని రణధీర్ స్పష్టం చేశారు. తాము రష్యా అధికార యంత్రాంగంతో భారతీయులను క్షేమంగా తీసుకువచ్చేలా ప్రయత్నాలు మొదలు పెట్టామన్నారు. త్వరలోనే వారంతా సురక్షితంగా భారత్కు తిరిగి వస్తారని స్పష్టం చేశారు.
