పేదరికాన్ని రూపుమాపే పార్టీలకే ఓటేయాలి

గాంధీనగర్​: భారత్​ లో పేదరికాన్ని పూర్తిగా రూపుమాపేందుకు ప్రయత్నించే వారికే ఓటు వేయాలని కేంద్ర హోంమంత్రి అమిత్​ షా ప్రజలకు విజ్ఞప్తి చేశారు. మంగళవారం అమిత్​ షా గాంధీనగర్​ పోలింగ్​ కేంద్రంలో కుటుంబ సభ్యులతో కలిసి ఉదయం 9గంటలకు ఓటు వేశారు. అమిత్​ షా ఉదయం 6.3‌‌0 గంటల నుంచే పోలింగ్​ కేంద్రాలను పరిశీలించారు. అనంతరం ప్రధానికి స్వాగతం పలికారు. ఓటు వేసిన అనంతరం అమిత్​ షా కామేశ్వర్​ దేవాలయంలో ప్రత్యేక పూజలు నిర్వహించి మీడియాతో మాట్లాడారు.

దేశాన్ని సురక్షితంగా ఉంచే పార్టీలకు, ప్రపంచంలోనే ఆర్థిక రంగంలో భారత్​ ను అగ్రగామిగా నిలిపే పార్టీకే ఓటు వేయాలని విజ్ఞప్తి చేశారు. అవినీతిని పూర్తిగా నిర్మూలించే పార్టీకే ఓటు వేయాలని తెలిపారు. గుజరాత్​ లోని 25 స్థానాల్లో కేవలం రెండు గంటల్లోనే 20 శాతం ఓటింగ్​ జరిగిందని పేర్కొన్నారు. ప్రజాస్వామ్య పండుగలో ఎక్కువ సంఖ్​యలో ఓటర్లు పాల్గొని తమ ఓటు హక్కును వినియోగించుకోవాలన్నారు. సురక్షిత భారత్​ కు పునాదులు వేసే పార్టీకే ప్రజలు ఓటు వేయాలని అమిత్​ షా విజ్ఞప్తి చేశారు.