భవిష్యత్తు కోసం ఓటు తిరువనంతపురం ఎన్డీయే అభ్యర్థి రాజీవ్​ చంద్రశేఖర్​

తిరువనంతపురం: తిరువనంతపురం భవిష్యత్తు కోసం ఓటర్లంతా స్వచ్ఛందంగా బయటికి వచ్చి ఓటు హక్కు వినియోగించుకోవాలని ఎన్డీయే అభ్యర్థి కేంద్ర మంత్రి రాజీవ్​ చంద్రశేఖర్​ పిలుపునిచ్చారు. శుక్రవారం చంద్రశేఖర్​ తిరువనంతపురంలో ఓటు హక్కు వినియోగించుకున్నారు. అనంతరం మీడియాతో మాట్లాడారు. 15–20 సంవత్సరాలుగా ఈ ప్రాంతంలో ఆశించిన మేర అభివృద్ధి జరగలేదన్నారు. బీజేపీ హాయంలో పెద్ద యెత్తున కేరళ అభివృద్ధికి, తమ ప్రాంత అభివృద్ధికి ఆస్కారం ఉందన్నారు. స్థానిక ప్రభుత్వం అసమర్థత వల్ల అభివృద్ధి వెనుకబడిందని రాజీవ్​ చంద్రశేఖర్​ ఆరోపించారు. తిరువనంతపురం నుంచి బీజేపీ అభ్యర్థిగా పోటీలో ఉన్న చంద్రశేఖర్​ కు హస్తం అభ్యర్థి శశిథరూర్​ రూపంలో పోటీ ఉంది. ఓటు వేసే ముందు చంద్రశేఖర్​ వెట్టుకాడ్​ చర్చికి వెళ్లి ప్రత్యేక ప్రార్థనల్లో పాల్గొన్నారు.