దేశం గర్వించే ధైర్యవంతుడు ఉదమ్​ సింగ్​

నా తెలంగాణ, హైదరాబాద్​: భారతదేశం గర్వించే గొప్ప విప్లవకారుడు, ధైర్యవంతుడు సర్దార్​ ఉదమ్​ సింగ్​ అని తెలంగాణ రాష్ట్ర బీజేపీ అధ్యక్షుడు, కేంద్ర బొగ్గు, గనుల శాఖ మంత్రి అన్నారు. ఉదమ్​ సింగ్​ 125వ జయంతి సందర్భంగా ఆయన దేశభక్తిని స్మరించుకొని నివాళులర్పించారు. జలియన్​ వాలా బాగ్​ మారణకాండకు ప్రతీకారం తీర్చుకొని ప్రతీఒక్కరిలో ధైర్యాన్ని నింపారన్నారు. విదేశాల్లో ఉన్న భారతీయుల్లో దేశభక్తిని రగల్చారని కొనియాడారు. ఆయన పోరాటాలకు దేశం ఎప్పటికీ రుణపడి ఉంటుందని కేంద్ర మంత్రి కిషన్​ రెడ్డి పేర్కొన్నారు. 1899లో జన్మించిన ఉదమ్​ సింగ్​ స్వాతంత్ర్య సమరయోధుడు. జలియన్​ వాలా బాగ్​ కాల్పులకు బాధ్యత వహించిన పంజాబ్​ లెఫ్ట్​ నెంట్​ గవర్నర్​ మైఖేల్​ ఓడ్వెర్​ ను మట్టుబెట్టాడు. అనంతరం ఈ హత్యకేసులో 1940లో బ్రిటిష్​ ప్రభుత్వం ఉదమ్​ సింగ్​ కు ఉరిశిక్ష విధించింది. నాటి ఉదమ్​ సింగ్​ ధైర్యసాహసాలతో బ్రిటిష్​ ప్రభుత్వం వెన్నులో వణుకు పుట్టింది.