ఏటీఎం వాహనంపై దాడి ఇద్దరు మృతి

బెంగళూరు: కర్ణాటక బీదర్​ లో ఏటీఎం వాహనం సెక్యురిటీ సిబ్బందిపై గుర్తుతెలియని దుండగులు కాల్పులకు పాల్పడి రూ. 93 లక్షలను దోచుకున్నారు. గురువారం ఉదయం 11.30 గంటలకు ఎస్​ బీఐ ఏటీఎంలో డబ్బులు రీఫిల్​ చేసేందుకు సెక్యూరిటీ సిబ్బందితో శివాజీ చౌక్​ వద్దకు వచ్చింది. అక్కడే బైక్​ పై ముసుగులు ధరించిన ఇద్దరు దుండగులు ఒక్కసారిగా వాహనం వద్దకు వెళ్లి కాల్పులకు తెగబడ్డారు. దీంతో ఇద్దరు సెక్యూరిటీ సిబ్బంది వెంకటేష్​, శివలు మృతిచెందారు. దుండగులు రూ. 93 లక్షలను దోచుకొని పరారయ్యారు. కాగా సంఘటనా స్థలానికి చేరుకొని పోలీసులు పరిశీలించారు. 8 రౌండ్లు కాల్పులు జరిపినట్లు గుర్తించారు. చుట్టుపక్కల రహదారుల్లన్నీ దిగ్భంధనం చేశారు. నేరస్థులను పట్టుకునేందుకు ప్రత్యేక బృందాలను రంగంలోకి దింపారు.