రాష్ట్రపతిపై కాంగ్రెస్​ వ్యాఖ్యలపై ప్రధాని మండిపాటు

నా తెలంగాణ, న్యూ ఢిల్లీ: కాంగ్రెస్​ అధినేత్రి సోనియాగాంధీ రాష్ట్రపతిని పూర్​ లేడీ అనడం పట్ల ప్రధాని నరేంద్ర మోదీ మండిపడ్డారు. శుక్రవారం సోనియాగాంధీ రాష్ట్రపతి విమర్శలపై ప్రధాని కౌంటర్​ అటాక్​ ఇచ్చారు. నిరుపేద కుటుంబం నుంచి ఈ రోజు ఉన్నతస్థాయికి ఎదిగిన అధ్యక్షురాలు ముర్మూను అగౌరవ పర్చడం కాంగ్రెస్​ కు తగదన్నారు. ఆమె మాతృభాష ఒరియా అయినా హిందిలో బడ్జెట్​ సమావేశాల ప్రారంభ ప్రసంగాన్ని ఎంతో బాగా చదివి వినిపించారని సంతోషం వ్యక్తం చేశారు. ఆమె ప్రసంగంపై అలసిపోయారని అనడంపై కాంగ్రెస్​ ధోరణిని వెల్లడిస్తుందన్నారు. రాష్ట్రపతిపై కాంగ్రెస్​ లోని అధినేతలే గాక ఇతర నాయకులు కూడా చేసిన విమర్శలు వారి అవివేకానికి నిదర్శనమన్నారు. పదికోట్ల మంది గిరిజనులకు ఇది అవమానమే అని ఆవేదన వ్యకతం చేశారు. అడుగడుగునా గిరిజనులను అవమానించడం, కించపర్చడం, నక్సల్స్​ గురించి మాట్లాడుతూ అగౌరపర్చడం వీరికి పరిపాటిగా మారిందని ప్రధాని మోదీ మండిపడ్డారు.