8వ వేతన సంఘం ఏర్పాటు శ్రీహరికోట మూడో ల్యాంచ్ పాడ్ కు కేబినెట్ ఆమోదం
Establishment of 8th Pay Commission Cabinet approval for third launch pod of Sriharikota
మోదీ నేతృత్వంలో కేంద్ర కేబినెట్ భేటీలో కీలక నిర్ణయాలు
నా తెలంగాణ, న్యూ ఢిల్లీ: కేంద్ర ప్రభుత్వం బడ్జెట్ కు ముందు కేంద్ర ఉద్యోగులకు కానుక అందించింది. 8వ వేతన సంఘం ఏర్పాటుకు మోదీ ప్రభుత్వం ఆమోదముద్ర వేసింది. ప్రధాని నరేంద్ర మోదీ అధ్యక్షతన మంత్రిమండలి గురువారం ఉదయం భేటీ అయ్యింది. భేటీ అనంతరం తీసుకున్న నిర్ణయాలను కేంద్రమంత్రి అశ్వినీ వైష్ణవ్ మీడియాకు వివరించారు. 8వ వేతన సంఘం ఏర్పాటు సిఫార్సులు 2026 నుంచి అమల్లోకి రానున్నాయి. 2016లో 7వ వేతన సంఘం అమల్లోకి వచ్చింది. ఈ సిఫార్సులు డిసెంబర్ 31తో ముగుస్తాయి.
8వ వేతన సంఘం ప్రకారం కేంద్ర ప్రభుత్వ ఉద్యోగుల కనీస వేతనం రూ. 34,560గా ఉండనుంది. ఈ కనీస వేతనంతో పోల్చుకుంటే ఆ ఉద్యోగి పెన్షన్ 17,280+డిఆర్ ను అందుకుంటాడు. అదే సమయంలో కేబినెట్ సెక్రెటరీ హోదా ఉన్న ఉద్యోగుల మూలవేతనం రూ. 4.80 లక్షలు కానుంది. ఇందులో పెన్షన్ 50 శాతం + డీఆర్ ను అందించనున్నారు. 7వ వేతన సంఘం ప్రకారం 2.57 శాతం వేతన సవరణ ఫిట్ మెంట్ ను ప్రకటించారు. అయితే 8వ వేతన సంఘంలో 1.92 శాతం నుంచి 2.86 శాతం మధ్య పెరిగే అవకాశం ఉందని ప్రభుత్వాధికారులు భావిస్తున్నారు. ఉద్యోగులు 8వ వేతన సంఘం ఆమోదంపై హర్షం ప్రకటించాయి.
మూడో లాంచ్ ప్యాడ్ కు ఆమోదం..
రూ. 3985 కోట్లతో శ్రీహరికోటలోని మూడో లాంచ్ ప్యాడ్ నిర్మాణానికి ఆమోదం తెలిపారు. ప్రస్తుతం రెండు లాంచ్ పాడ్ ల ద్వారానే ప్రయోగాలను నిర్వహిస్తున్నారు. మరో ల్యాంచ్ ప్యాడ్ నిర్మాణం చేపడితే మరిన్ని ప్రయోగాలకు ఇస్రో సిద్ధం కానుంది. మొదటి లాంచ్ ప్యాడ్ గత 30 ఏళ్లుగా, రెండో లాంచ్ ప్యాడ్ ద్వారా 20ఏళ్లుగా మిషన్ లను ఇస్రో నిర్వహిస్తుంది.
