ఐఈడీ పేలి ఇద్దరు జవాన్లకు గాయాలు

రాయ్​ పూర్​: బీజాపూర్​ లో మావోయిస్టులు అమర్చిన ఐఈడీ పేలి ఇద్దరు భద్రతా సిబ్బందికి తీవ్ర గాయాలయ్యాయి. గురువారం ఉదయం బాసగూడ పోలీస్​ స్టేషన్​ పరిధిలోని పుటకేల్​ గ్రామ సమీపంలో ఈ ప్రమాదం చోటు చేసుకుంది. గాయపడిన సిబ్బందిని వెంటనే ఎయిర్​ లిఫ్ట్​ ద్వారా రాయ్​ పూర్​ ఆసుపత్రికి తరలించి చికిత్సనందిస్తునారు. ప్రస్తుతం వారి పరిస్థితి నిలకడగా ఉన్నట్లు వైద్యులు తెలిపారు. చత్తీస్​ గఢ్​ లోని బస్తర్​ డివిజన్​ మావోయిస్టులకు కంచుకోటగా ఉంది. ఈ ప్రాంతంలో నక్సలిజాన్ని అంతం చేయాలని కేంద్రం సంకల్పించింది. అ నేపథ్యంలో పలు కార్యక్రమాలను కూడా అమలు చేస్తుంది. అయినా నక్సలైట్లు తమ ఉనికిని చాటుకునేందుకు అడపా దడపా భద్రతా దళాలు, పోలీసులపై దాడులకు తెగబడుతున్నారు. జనవరి 11న ఐఈడీ పేలుడులో ఒక సీఆర్పీఎఫ్​ జవాన్​ కు గాయాలయ్యాయి. జనవరి 12న జరిగిన ఎన్​ కౌంటర్​ లో ఐదుగురు మావోయిస్టులు మృతి చెందారు.