కతిహార్ లో బోటు మునక ముగ్గురు మృతి, నలుగురు గల్లంతు
Three dead, four missing after boat sinks in Katihar
పాట్నా: బిహార్ కతిహార్ గంగానదిలో పడవ మునికి ముగ్గురు మృతి చెందగా, నలుగురు గల్లంతయ్యారు. 10మంది ప్రాణాలతో బయటపడ్డారు. ఆదివారం ఈ ప్రమాదం చోటు చేసుకుంది. స్థానికుల ద్వారా విషయం తెలుసుకున్న పోలీసులు, అధికారులు వెంటనే రెస్క్యూ బృందాలతో నదిలో గాలింపు చర్యలు చేపట్టారు.
గోలాఘాట్ సమీపంలో పడవ బోల్తా పడిందని 17 మంది ఉన్నారని అధికారి సిద్ధార్థ్, మనోజ్ కుమార్ లు తెలిపారు. పది మందిని రక్షించామన్నారు. చిన్న పడవ కావడం ఎక్కువ మంది ప్రయాణించడంతో బరువు ఎక్కువై మునిగిపోయిందన్నారు. ఈ ప్రమాదంలో ముగ్గురు మృతి చెందగా, నలుగురు గల్లంతయ్యారని తెలిపారు. పడవ గోలాఘాట్ నుంచి ఝార్ఖండ్ కు వెళుతుండగా ప్రమాదం జరిగిందన్నారు. మృతుల్లో బాలుడు కూడా ఉన్నాడని తెలిపారు. అయితే నదీ ప్రవాహం ఎక్కువగా ఉండడంతో రెస్క్యూ బృందాలకు ఆటంకాలు ఎదురవుతున్నాయని తెలిపారు. గ్రామస్థులు సహాయక చర్యల్లో తమకు పూర్తిగా సహకరిస్తున్నారని అధికారులు తెలిపారు.
