మనుభాకర్​ ఇంట విషాదం రోడ్డు ప్రమాదంలో అమ్మమ్మ, మామ మృతి

చండీగఢ్​: షూటర్​ మనుభాకర్​ ఇంట విషాదం నెలకొంది. ఆదివారం భాకర్​ అమ్మమ్మ, మామ ప్రయాణిస్తున్న వాహనం ప్రమాదానికి గురైంది. 
ప్రమాదంలో వారిద్దరూ మృతి చెందారు. హరియాణా మహేంద్రగఢ్​ బైపాస్​ రోడ్డులో వీరిద్దరూ ప్రయాణిస్తున్న స్కూటీని బ్రెజ్జా వాహనం ఢీకొంది. ప్రమాదంలో భాకర్​ అమ్మమ్మ, మామ అక్కడికక్కడే మృతి చెందారు. కాగా ప్రమాదానికి కారణమైన వాహన డ్రైవర్​ పరారయ్యారు. స్థానికుల ద్వారా విషయం తెలుసుకున్న పోలీసులు సంఘటనా స్థలానికి చేరుకొని మృతదేహాలను పోస్టుమార్టం నిమిత్తం ఆసుపత్రికి తరలించారు. కేసు నమోదు చేసుకొని దర్యాప్తు చేపట్టారు. రెండు రోజుల క్రితమే మనుభాకర్​ రాష్ర్టపతి చేతుల మీదుగా ఖేల్​ రత్న అవార్డును అందుకున్నారు.