రాహుల్ గాంధీపై నాన్ బెయిలబుల్ ఎఫ్ ఐఆర్ నమోదు!
Non-bailable FIR registered against Rahul Gandhi!
డిస్ఫూర్: రాహుల్ గాంధీ అనుచిత వ్యాఖ్యలపై అసోంలో నాన్ బెయిలబుల్ ఎఫ్ ఐఆర్ నమోదైందని గౌహాతి హైకోర్టు న్యాయవాది మోంజీత్ చెటియా ఆదివారం తెలిపారు. శనివారం గౌహాతిలోని పాన్ బజార్ పోలీస్ స్టేషన్ లో నమోదైందన్నారు. దేశ సార్వభౌమాధికారం, ఐక్యత, సమగ్రతకు హాని కలిగించేలా రాహుల్ గాంధీ వ్యాఖ్యలున్నాయని ఆరోపించారు. ఈ నేపథ్యంలో బీఎన్ఎస్ సెక్షన్ 52 కింద నాన్ బెయిలబుల్ ఎఫ్ ఐఆర్ నమోదైందన్నారు. రాహుల్ బెయిల్ కోసం నేరుగా కోర్టుకు వెళ్లాల్సి ఉంటుందన్నారు. కాంగ్రెస్ నూతన జాతీయ కార్యాలయ భవనం ప్రారంభం అనంతరం రాహుల్ గాంధీ ఆర్ఎస్ఎస్, బీజేపీపై తీవ్ర విమర్శలకు పాల్పడ్డారు. ఆర్ ఎస్ ఎస్ ప్రతి సంస్థను స్వాధీనం చేసుకుంటున్నాయని రాహుల్ విమర్శించారు. పదేపదే కాంగ్రెస్ పార్టీ ఓటమితో రాహుల్ తీవ్ర నిర్వేదంలో ఈ వ్యాఖ్యలు చేసినట్లుగా కనిపిస్తుందని, ప్రజాస్వామ్యాన్ని అపహాస్యం చేసేలా, శాంతి, సుస్థిరతలను, ప్రజలను రెచ్చగొట్టేలా వ్యాఖ్యలు ఉన్నాయని న్యాయవాది వ్యాఖ్యానించారు.
