పసిడి ఆల్​ టైమ్​ రికార్డ్​.. 10 గ్రాముల 24 కెరట్ల ధర రూ. 84,700!

నా తెలంగాణ, సెంట్రల్​ డెస్క్​: బడ్జెట్​ 2025–26కు ఒకరోజు ముందే పసిడి పరుగు లంకించుకుంది. 24 కెరట్ల బంగారం ధర హైదరాబాద్​ లో రూ. 84,700 ఆల్​ టైమ్​ రికార్డులో కొనసాగుతుంది. శుక్రవారం బంగారం ధర దేశవ్యాప్తంగా భారీగా పెరిగింది. మల్టీ కమోడిటీ ఎక్స్​ ఛేంజ్​ (ఎంసీఎక్స్​), దేశీయ మార్కెట్​ లో కూడా బంగారం ధరలు పెరిగి పాత రికార్డులన్నీ బద్దలుకొట్టాయి. గతేడాది ఇదే రోజున బంగారంపై కస్టమ్​ డ్యూటీని ప్రకటిస్తున్నట్లు తెలియడంతో 10 గ్రాముల బంగారం ధరలో రూ. 4వేల వరకు తగ్గుదల నమోదైంది. 15 శాతం నుంచి ఆరు శాతానికి కస్టమ్​ సుంకాన్ని గతేడాది తగ్గించారు. ఒక నెల వరకు బంగారం ధరల్లో పెరుగుదల చోటు చేసుకోలేదు. అనంతరమే తిరిగి పసిడి ధరల్లో పెరుగుదల కనిపించింది. ఈ నేపథ్యంలో మరోమారు బంగారంపై సుంకాన్ని మరింత తగ్గిస్తారా? అనే ఆశ నెలకొంది. అదే సమయంలో కస్టమ్​ డ్యూటీని తగ్గించే అవకాశం ఉన్నట్లు తెలుస్తుంది. ఇండియన్​ బులియన్​ జువెల్లర్స్​ అసోసియేషన్​ కస్టమ్​ డ్యూటీని తగ్గించాలని ఇప్పటికే ఆర్థిక శాఖకు నివేదికల ద్వారా విజ్ఞప్తి చేసింది.