150 కిలోల వెంట్రుకల దొంగతనం!

విలువ రూ. 7 లక్షలన్న ఫిర్యాదుదారుడు
నోరెళ్లబెట్టిన పోలీసులు.. సాక్ష్యాలు చూసి కేసు నమోదు
చండీగఢ్​: హరియాణా ఫరీదాబాద్​ లో రూ. 7 లక్షల విలువ చేసే వెంట్రుకలను దొంగలు ఎత్తుకెళ్లారని బాధితుడు పోలీసులకు ఏకరవు పెట్టుకున్నాడు. వెంటనే దొంగలను అరెస్టు చేసి తన వెంట్రుకలను వెతికి తనకు అప్పగించాలన్నాడు. ఈ విచిత్ర దొంగతనం ఫరీదాబాద్​ లోని రంజిత్​ మండల్​ అనే వ్యక్తి ఇంట్లో ఓ మూలన ఉన్న 150 కేజీల వెంట్రుకలను దొంగలు ఎత్తుకెళ్లారని సీసీ టీవీలో కూడా దొంగతనం రికార్డు అయ్యిందని పోలీసులకు ఫిర్యాదు చేశాడు. వెంట్రుకలతోపాటు రూ. 2 లక్షల 13వేల నగదును కూడా దొంగలు దోచుకున్నారని అన్నారు. కాగా ఈ దొంగతనాన్ని తొలుత పోలీసులు నమ్మలేదు. ఫిర్యాదు చేసిన వ్యక్తి వెంట్రుకల వ్యాపారస్థుడు కావడంతో అతను చూపెట్టిన ఫుటేజ్​ ను చూసి దొంగతనం నిజమేనని నమ్మారు. రాత్రి 2.30 నుంచి 3 గంటల మధ్య చోరీ జరిగినట్లు గుర్తించారు. మహిళల జుట్టుకు డిమాండ్​ ఉండడంతో తెలిసిన వారే దొంగతనానికి పాల్పడినట్లుగా పోలీసులు అనుమానిస్తున్న ఈదొంగతనంపై కేసు నమోదు చేసి దర్యాప్తు చేపట్టారు.