నేటి నుంచే సీఐఎస్​ఎఫ్​ చేతిలో పార్లమెంట్​ భద్రత

నా తెలంగాణ, న్యూ ఢిల్లీ: పార్లమెంట్​ భద్రత సోమవారం (మే 20)నుంచి సీఐఎస్​ఎఫ్​ చేతిలోకి వెళ్లనుంది. పార్లమెంట్​ భద్రత కోసం 1,400మంది భద్రత కోసం మోహరించనున్నారు. మొత్తం షిఫ్టుల వారీగా 3,300మంది భద్రతను పర్యవేక్షించనున్నారు. మరోవైపు పార్లమెంట్​ నుంచి భద్రతను పీడీజీ (పార్లమెంట్​ రెస్పాన్సిబిలిటీ గ్రూప్​)ఉపసంహరించుకోనుంది. శుక్రవారం నుంచే పీడీజీ భద్రతను ఉపసంహరించుకుంది. శనివారం, ఆదివారాలు సెలవులు కావడంతో సోమవారం నుంచి భద్రతను సీఐఎస్​ఎఫ్​ పర్యవేక్షించనుంది. అధికారికంగా పీడీజీ సీఐఎస్​ఎఫ్​ కు బాధ్యతలను అప్పగించింది. కాగా భద్రతా విషయంలో పీడీజీ అనుసరిస్తున్న విధానాలకు భిన్నంగా సీఐఎస్​ ఎఫ్​ భద్రత ఉండనుంది. 

2023 డిసెంబర్​ 13న జీరో అవసర్​ సమయంలో ఇద్దరు వ్యక్తులు పార్లమెంట్​ లోకి చొరబడి స్మోక్​ బాంబులు విసిరి నినాదాలు చేయడంతో పార్లమెంట్​ భద్రతపై పలు విమర్శలు, ఆరోపణలు వచ్చాయి. ఈ నేపథ్యంలో కేంద్రం అప్రమత్తమై భద్రతపై పలు దఫాలు సమావేశాలు నిర్వహించి సీఐఎస్​ఎఫ్​ కు భద్రతను అప్పగించాలని నిర్ణయించింది. 

సీఎస్ఎఫ్ సిబ్బందికి బ్యాగేజీ చెకింగ్, పర్సనల్ సెర్చ్, పేలుడు పదార్థాలను గుర్తించడం, వాటిని నిర్వీర్యం చేయడం, పార్లమెంట్​ సభ్యులతో ప్రవర్తించే తీరు ఇలా పలు రకాలుగా శిక్షణ నిచ్చారు. భద్రత కోసం ఇటీవలే ఎన్​ ఎస్​ జీ కమెండోలకు కూడా ప్రత్యేక శిక్షణ ఇచ్చారు.