బందీలను విడుదల చేయాల్సిందే

ఇజ్రాయెల్​ ప్రధాని నెతన్యాహు
కాల్పుల విరమణ ఒప్పందానికి తూట్లు?

జెరూసలెం: ఇజ్రాయెల్​–హమాస్​ ఒప్పందంపై అమెరికా, ఇరాన్​, ఖతర్​ లు చేస్తున్న ప్రయత్నాలకు అనేక అడ్డంకులు ముందుకు వస్తున్నాయి. ఒప్పందాన్ని రద్దు చేసుకోవాలని, ముందుగా బందీలందరినీ విడుదల చేస్తేనే ఒప్పందమని ఇజ్రాయెల్​ ప్రధాని నెతన్యాహు బెదిరిస్తున్నారని పలు దేశాల నాయకులు చెబుతున్నారు. మరోవైపు ఐడీఎఫ్​ ఒప్పందాన్ని రద్దు చేసుకోవాలని డిమాండ్​ చేస్తుంది. ఈ నేపథ్యంలో నెతన్యాహు తన  నిర్ణయానికి కట్టుబడి ఉన్నారనే ప్రకటన వెలువడింది. తమ దేశ బందీలను విడుదల చేసేందుకు హమాస్​ ముందుకు వస్తే ఆలోచిస్తామని పేర్కొన్నారు. అయితే త్వరలోనే జో బైడెన్​ పదవీకాలం ముగియనుండడం, ట్రంప్​ పదవీకాలం ప్రారంభం కానుండడంతో ఇజ్రాయెల్​ పై యుద్ద విరమణ ఒత్తిడి పెరిగినట్లు తెలుస్తోంది. ట్రంప్​ ఎన్నికల ప్రచారంలో తన పాలనలో యుద్ధాలుండవని ప్రకటించిన విషయం తెలిసిందే. ఈ నేపథ్యంలో ఇజ్రాయెల్​–హమాస్​ మధ్య కాల్పుల విరమణ ఒప్పందం జరిగినట్లు తెలుస్తుంది. 

• 15 నెలల యుద్ధం..
•  2023 అక్టోబర్​ 7 హమాస్​ ఉగ్రవాదులు ఇజ్రాయెల్​ పై దాడి చేసి 1200మందిపై విచక్షణా రహితంగా కాల్పులు జరిపి వారి మరణానికి కారణమయ్యారు. 251 మందిని బందీలుగా చేసుకున్నారు.
• ఇజ్రాయెల్​ ప్రతీకార దాడుల్లో 46వేల మందికిపైగా మృతి చెందారు. ఈ దాడుల్లో గాజా జనాభాలో 2 శాతం మంది మరణించారు.  50వేల మంది పిల్లలు పోషకాహారం లేక విలవిల్లాడుతున్నారు.
•  గాజా వ్యవస్థ కుప్పకూలింది. 90 శాతం భవనాలు, ఇళ్లు, వ్యవస్థ నేలమట్టమైంది.
• హమాస్​ వద్ద ఉన్న ఇజ్రాయెల్​ బందీలు..
• 251 మందిని బందీలుగా చేసుకోగా అందులో 157 మంది విడుదలయ్యారు. 109మందిని హమాస్​ విడుదల చేయగా, ఐడీఎఫ్​ సైన్యం 8 మందిని కాపాడింది. 37 మంది చనిపోయారు. మరో ముగ్గురు తప్పించుకునే ప్రయత్నంలో ప్రాణాలు కోల్పోయారు. ప్రస్తుతం హమాస్​ వద్ద మొత్తం 94 మంది బందీలున్నారని భావిస్తున్నారు. వీరిలో 60 మంది ప్రాణాలతో ఉండగా 34 మంది మృతి చెందారు.