అనిశ్చితులున్నా ఆర్థిక వ్యవస్థ పటిష్టమే

6.5 శాతం వద్ద స్థిరంగానే
క్రిసిల్​ నివేదిక వెల్లడి

నా తెలంగాణ, న్యూ ఢిల్లీ: ప్రపంచంలో అనిశ్చితులు కొనసాగుతున్నా భారత ఆర్థిక వ్యవస్థ 2026లో 6.5 శాతం వృద్ధి స్థిరంగా ఉంటుందని క్రిసిల్​ నివేదిక గురువారం వెల్లడించింది. భౌగోళిక రాజకీయ అనిశ్చితులు, వాణిజ్య సంబంధిత అంతరాయలు, అమెరికా సుంకాల భయం, సవాళ్లు సమీపంలో ఉన్నప్పటికీ వృద్ధిరేటు స్థిరంగా కొనసాగుతుందని పేర్కొంది. ఋతుపవన కాలం, స్థిరమైన వస్తువుల ధరలు, ఆహార ద్రవ్యోల్బణం తగ్గించడం, కేంద్ర బడ్జెట్​ 2025–26లో పన్ను ప్రయోజనాలు, తక్కువ ఋణ ఖర్చులు వంటి అంశాల్లో విచక్షణా వినియోగాన్ని పెంచే అవకాశం ఉంది. ఆర్థిక ఉద్దీపనలు సాధారణీకరణ చెందడం, అధిక ప్రభావం క్రమంగా తగ్గుముఖం పడుతుండటంతో, ఆర్థిక వృద్ధి  స్థాయిలో స్థిరీకరించబడుతోంది. ప్రపంచ వ్యాప్తంగా అనేక ప్రతికూలతలు, అనిశ్చితులు కొనసాగుతున్నప్పటికీ పీఎంఐ నుంచి వచ్చిన అధిక-ఫ్రీక్వెన్సీ నివేదిక భారతదేశం ప్రధాన ఆర్థిక వ్యవస్థల కంటే మెరుగైన పనితీరు కనబరుస్తుందని సూచిస్తుంది. 

ఆర్థిక స్థితిస్థాపకతపై క్రిసిల్​ మేనేజింగ్​ డైరెక్టర్​ సీఈవో అమిష్​ మెహతా మాట్లాడుతూ.. విధానపరమైన సరళతను నిర్మించుకోవడం, ఆచరిస్తుండడంతో అన్ని ప్రతికూలతలను భారత్​ సమర్థంగా తట్టుకోగలుగుతుందన్నారు. బాహ్య కారణాలు అస్థిరపరిచేలా ఉన్నా దేశంలో పట్టణ, గ్రామీణ వృద్ధి కొనసాగించడంలో కృతకృత్యులవుతుందన్నారు. నిరంతర పెట్టుబడులు కూడా ఆర్థిక వ్యవస్థను బలోపేతం చేస్తున్నాయని వివరించారు. 2025 నుంచి 2031 వరకు తయారీ వృద్ధిరేటు 9 శాతం ఉంటుందని అంచనా వేసినట్లు తెలిపారు. ఆర్థిక విస్తరణ వెనుక సేవల రంగం ఆధిపత్య శక్తిగా నిలుస్తుందన్నారు. ఫలితంగా జీడీపీ వాటా 2025లో 17 శాతం నుంచి 20 శాతానికి పెరుగుతుందన్నారు. తక్కువ ద్రవ్యోల్బణం, కొనసాగుతున్న ఆర్థిక ఏకీకరణ విధాన రేటు కోతలకు అవకాశం కల్పించాయని తెలిపారు. వచ్చే ఏడాది కూడా 50 నుంచి 75 పాయింట్ల వడ్డీ రేట్ల తగ్గుదల ఉండవచ్చని నివేదిక ద్వారా అంచనా వేశామన్నారు. పెద్ద ఎత్తున మౌలిక సదుపాయాల కల్పన, ఆర్థిక సంస్కరణల ద్వారా భారత్​ మరింత బలమైన స్థూల ఆర్థిక సూత్రాలను పాటిస్తుందని తెలిపారు. దీంతో బాహ్య శక్తుల ద్వారా పూర్తి రక్షణ చేకూరుతుందని అమిష్​ మెహతా చెప్పారు.