అమల్లోకి సుంకాల నిర్ణయం కెనడా, మెక్సికో, చైనాల భారం

వాషింగ్టన్​: కెనడా, మెక్సికోపై ట్రంప్​ విధించిన సుంకాలు మంగళవారం నుంచి అమల్లోకి వచ్చాయి. సరిహద్దు వివాదాలు, డ్రగ్స్​ సరఫరా, పలు రకాల ఉత్ర్పేరకాల మందుల సరఫరాతో ఏటా అమెరికాలో 75వేల మంది మృత్యువాత పడుతున్నారు. ఈ నేపథ్యంలో ట్రంప్​ సుంకాల విధింపులో వెనుక్కు తగ్గేదేలే అన్నట్లుగా వ్యవహరిస్తూ సుంకాల ప్రకటనపై కట్టుబడి ఉన్నారు. దీంతో మంగళవారం ఈ ఇరుదేశాలే గాకుండా చైనా నుంచి అమెరికాకు దిగుమతి అవుతున్న వస్తువులపై కూడా సుంకాల భారం పడనుంది. కెనడా, మెక్సికోపై 25 శాతం, చైనాపై 10 శాతం నుంచి 20 శాతానికి సుంకాలను పెంచారు. ట్రంప్​ ప్రకటనతో ఒక్కసారిగా ఈ నాలుగు దేశాల స్టాక్​ మార్కెట్లు నేలచూపులు చూశాయి. ముఖ్యంగా అమెరికన్​ స్టాక్​ మార్కెట్​ 2శాతం మేర దిగజారింది. 

కాగా అమెరికాకు చెందిన దిగుమతులపైన తాము 25 శాతం సుంకాలు విధిస్తామని కెనడా ప్రాని జస్టిన్​ ట్రూడో నిర్ణయించారు. 30 బిలియన్ల విలువైన దిగుమతులై మంగళవారం సుంకాలు విధించామన్నారు. ఇకపై అమెరికన్​ దిగుమతులపై యథాతథంగా సుంకాలు కొనసాగనున్నట్లు స్పష్టం చేశారు.