నిధుల కేటాయింపులో వెనుకబడ్డ తెలంగాణ
బీజేపీ పాలిత ప్రాంతాల్లో భారీ కేటాయింపులు
నా తెలంగాణ, హైదరాబాద్: ఓ వైపు దేశంలోని బీజేపీ పాలిత ప్రాంతాల్లో సామాజిక, మౌలిక సదుపాయాల కల్పనకు పెద్ద పీట వేస్తున్నామని, అదే సమయంలో తెలంగాణలో కాంగ్రెస్ నేతృత్వంలోని ప్రభుత్వం కేటాయింపులు అత్యంత తక్కువగా ఉన్నాయని తెలంగాణ రాష్ట్ర బీజేపీ అధ్యక్షుడు, కేంద్ర బొగ్గు, గనుల శాఖ మంత్రి జి.కిషన్ రెడ్డి అన్నారు. కేంద్రమంత్రి కిషన్ రెడ్డి 2023–24లో కేటాయింపుల వివరాలకు సంబంధించిన లెక్కలను ఉదహరిస్తూ సామాజిక మాధ్యమం వేదికగా వివరాలను వెల్లడించారు. ఈ లెక్కల ప్రకారం కేటాయింపులు ఎలా ఉన్నాయో చూద్దాం.
విద్యాశాఖ: తెలంగాణ 7.60 శాతం నిధులు కేటాయించగా, యూపీ 13.10, ఉత్తరాఖండ్ 16.60, మహారాష్ట్ర 16.60, అసోం 16.80, మధ్యప్రదేశ్ 16.10, గుజరాత్ 14.30 శాతం నిధులు కేటాయించారు.
పోలీసు శాఖ: తెలంగాణ 3.60 శాతం నిధులు కేటాయించగా, యూపీ 5.50, మహారాష్ట్ర 5.0, అసోం 5.80 శాతం నిధులు కేటాయించారు.
రోడ్లు, బ్రిడ్జిలు: తెలంగాణ 3.70 శాతం, ఉత్తరప్రదేశ్ 5.90 శాతం, మహారాష్ర్ట 5.80 శాతం, అసోం 9.30 శాతం, గుజరాత్ 6.30 శాతం నిధులు కేటాయించారు.
గ్రామీణాభివృద్ధి: తెలంగాణ 3.60 శాతం నిధులు కేటాయించగా, యూపీకి 5 శాతం, ఉత్తరాఖండ్ 7.40 శాతం, మహారాష్ట్ర 4.70 శాతం, మధ్యప్రదేశ్ 4.50 శాతం నిధులు కేటాయించారు.
అర్బన్ అభివృద్ధి: తెలంగాణ 2.80 శాతం, యూపీ 4.40, మహారాష్ట్ర 3.80, అసోం 3, గుజరాత్ 6.60 శాతం నిధులు కేటాయించారు.
నీటి సరఫరా, శానిటేషన్: తెలంగాణ 1.60 శాతం, యూపీ 3.80 శాతం, ఉత్తరాఖండ్ 1.90 శాతం, మహారాష్ట్ర 2, మధ్యప్రదేశ్ 3.60, గుజరాత్ 2.40 శాతం నిధులను కేటాయించారు.
