స్పేస్​ స్టేషన్​ నుంచి బయలుదేరిన సునీతా

19 వేకువజామున 3.27 ఫ్లోరిడాలో ల్యాండ్​

నా తెలంగాణ, సెంట్రల్​ డెస్క్​: ఎట్టకేలకు మంగళవారం ఉదయం 10.35 గంటలకు అంతరిక్ష కేంద్రం నుంచి సునీతా విలియమ్స్​, బుచ్​ విల్మోర్​ లు బయలుదేరారు. వీరితోపాటు ఇద్దరు వ్యోమగాములు నిక్​ హేగ్​, అలెగ్జాండర్​ గోర్బునోవ్​ లు కూడా భూమికి తిరిగి వస్తున్నారు. 9 నెలల 12 రోజుల తరువాత మార్చి 19న వేకువజామున 3.27 గంటలకు ఫ్లోరిడా తీరంలో దిగుతుందని నాసా స్పష్టం చేసింది. అంతరిక్షం నుంచి వీరు భూమిపైకి చేరేందుకు దాదాపుగా 17 గంటల సమయం పట్టనుందని మిషన్​ పూర్తి వివరాలను నాసా వివరించింది. 

ఆరుదశలు..
వ్యోమగాములను సురక్షితంగా తీసుకువచ్చేందుకు ఆరుదశలు కీలకం. 

– తొలిదశలో ఎస్ర్టోనాట్​ లు స్పేస్​ సూట్​ లు వేసుకోవడం అనంతరం పలు రకాల టెస్టింగ్​ లు నిర్వహిస్తారు.

– రెండో దశలో వీరిని భూమికి తీసుకురానున్న స్పేస్​ క్రాఫ్ట్​ (రాకెట్​) అంతరిక్ష కేంద్రం (ఐఎస్​ఎస్​) నుంచి విడిపోతుంది. థ్రస్టర్​ లు రాకెట్​ ను దూరం నెట్టివేస్తాయి. దీంతో పూర్తిగా రాకెట్​ భాగం ఐఎస్​ఐస్​ నుంచి వేరు పడుతుంది. 

– మూడో దశలో డీ ఆర్బిట్​ ను మండిస్తారు. డ్రాకో అనే థ్రస్టర్​ అపసవ్యదిశలో మండుతుంది. దీంతో వేగం తగ్గుతుంది. ఇక భూమి దిశలో ప్రయాణిస్తుంది. 

– నాలుగో దశలో సౌరమండలం నుంచి 27వేల కి.మీ. వేగంతో వాయు (భూ వాతావరణం) మండలంలోకి ప్రవేశిస్తుంది. ఇందులో చేరగానే రాకెట్​ పై భాగం ఉష్ణోగ్రత 1650 డిగ్రీల సెల్సీయస్​ కు చేరుకుంటుంది. దీంతో 3నుంచి 5 నిమిషాలపాటు బూస్టర్​ లను నిలిపివేస్తారు. 

– ఇక ఐదో దశలో 18వేల ఫీట్ల ఎత్తులో రెండు పారాచూట్​ లు తెరుచుకుంటాయి. ఆరువేల ఫీట్ల వద్ద మరో నాలుగు పారాచూట్​ లు తెరుచుకుంటాయి. దీంతో రాకెట్​ వేగం కేవలం 24 కి.మీ గా ప్రయాణిస్తుంది. 

– అంతిమ ఆరో భాగంలో వీరు ప్రయాణించిన ప్రత్యేక షెల్​ సముద్రంలో లాంచ్​ అవుతుంది. ముందే ఆ ప్రాంతంలో భద్రతా సిబ్బంది సిద్ధంగా ఉంటారు. ఆ షెల్​ ను సురక్షితంగా పెద్ద బూటులోకి తీసుకొని అందులో ఉన్న వ్యోమగాములను బయటకు తీస్తారు. అనంతరం వీరిని ప్రత్యేక వైద్యచికిత్సల కోసం తరలిస్తారు.