మలావితో బంధాలు మరింత బలోపేతం

లిలాంగ్వే: మలావికి స్వాతంత్ర్యం వచ్చిన వెంటనే దౌత్యసంబంధాలను ఏర్పర్చుకున్న తొలి దేశం భారత్​ అని రాష్ట్రపతి ద్రౌపదీ ముర్మూ అన్నారు.  గురువారం మలావి పర్యటనలో ఉన్న ముర్మూ సాయంత్రం రాజధాని లిలాంగ్వేలో ఇండియా మలావి బిజినెస్​ మీట్​ లో ప్రసంగించారు. ఇరుదేశాల మధ్య స్నేహ సంబంధాలు అత్యంత ధృఢంగా ఉన్నాయని సంతోషం వ్యక్తం చేశారు. భారత్​ మలావికి అతిపెద్ద నాలుగో వాణిజ్య భాగస్వామిగా ఉందని వివరించారు. మలావిలో అతిపెద్ద పెట్టుబడిదారులలో భారత్​ ఒకటని తెలిపారు. ఇరుదేశాలు అనేక రంగాలలో పరస్పర సహకారంతో ముందుకు నడవాల్సిన అవసరం ఉందని ముర్మూ అభిప్రాయం వ్యక్తం చేశారు. ఇందుకు వ్యాపార వర్గాలతోపాటు, ప్రజలు కూడా సహకరించాలని రాష్ట్రపతి ద్రౌపదీ ముర్మూ కోరారు.