సిన్వార్ మృతి? అజ్ఞాతమా?
బందీల విడుదలకు ఆటంకాలు యుద్ధం మరింత తీవ్రతరం అయ్యే అవకాశం అక్టోబర్ 7 ఇజ్రాయెల్ దాడిలో కీలక సూత్రధారి
జెరూసలెం: హమాస్ చీఫ్ యహ్వా సిన్వార్ మృతిచెందినట్లుగా ఇజ్రాయెల్ భావిస్తోంది. గత వారం పదిరోజులుగా అతని ఆచూకీ లభించడం లేదనే ఆందోళన ఇజ్రాయెల్ ను వెంటాడుతోంది. ఇజ్రాయెల్ బందీలు ఇతని చెరలోనే ఉండడంతో సిన్వార్ జాడను పలుమార్లు గుర్తించినా అతనిపై ఇజ్రాయెల్ దాడి చేయలేదు. ఇజ్రాయెల్ బందీల విడుదలకు ఖతార్ కూడా ప్రయత్నిస్తోంది. ఈ నేపథ్యంలో అతను ప్రస్తుతం సంప్రదింపుల్లోకి రావడం లేదని ఆవేదన వ్యక్తం చేసింది. సిన్వార్ జాడ తెలియకుంటే యుద్ధం మరింత తీవ్రతరం అయ్యే అవకాశం లేకపోలేదు. వరుసగా ఇజ్రాయెల్ హమాస్, హిజ్బుల్లా అగ్రనేతలను టార్గెట్ చేస్తుండడంతో సిన్వార్ అండర్ గ్రౌండ్ లోకి వెళ్లాడనే అనుమానాలు కూడా వ్యక్తం అవుతున్నాయి. ఇజ్రాయెల్ పై అక్టోబర్ 7 దాడులకు కీలకసూత్రధారుల్లో సిన్వార్ కూడా ఒకరు.
