గుండెపోటుతో శ్రద్ధా వాకర్​ తండ్రి మృతి!

ముంబాయి: శ్రద్ధా వాకర్​ తండ్రి వికాస్​ వాకర్​ గుండెపోటుతో మృతి చెందాడు. మహారాష్ర్టలోని వాసాయి పాల్ఘర్​ నివాసంలో ఆదివారం ఉదయం ఆయన మృతి చెందాడు. తన కొడుకుతో కలిసి నివసిస్తున్నాడు. శ్రద్ధా వాకర్​ హత్య కేసును ఈయనే వాదిస్తున్నాడు. వాకర్​ కుటుంబం 2022లో ఆమె హత్య తరువాత న్యాయం కోసం పోరాడుతూనే ఉంది. ఈ కేసులో ప్రధాన నిందితుడుగా అఫ్తాబ్​ పూనావాలా ఉన్నాడు. 2022లో శ్రద్ధా వాకర్​ ను అత్యంత దారుణంగా ముక్కలు ముక్కలుగా కోసి హత్య చేశాడు. ఈ కేసులో ఇంకా వాదనలు కొనసాగుతున్నాయి. కాగా లారెన్స్​ బిష్ణోయ్​ అఫ్తాబ్​ ను హత్య చేసే అవకాశం ఉన్నట్లు కూడా పలుమార్లు ఆరోపణలు వినిపించాయి. వికాస్​ వాకర్​ అదే జరగాలని ఆకాంక్షించాడు. తన కూతురి మృతదేహాన్ని సైతం చూసుకోనీయకుండా అత్యంత దారుణంగా చంపిన అఫ్తాబ్​ ను ఉరికంబం ఎక్కించాలనే ఉద్దేశ్యంతోనే తానే స్వయంగా కేసును వాదిస్తున్నట్లు పలుమార్లు మీడియాతో కూడా చెప్పాడు. 2022 మే 18 జరిగిన ఈ హత్య అప్పట్లో దేశ వ్యాప్తంగా సంచలనం సృష్టించింది.