భారత్​ కో జానియే క్విజ్​ లో పాల్గొనాలని ప్రధాని పిలుపు

ప్రవాసీయులను భాగస్వామ్యం చేయాలి
దేశ, ప్రవాస భారతీయుల బంధాలు బలోపేతం
సంస్కృతి, సాంప్రదాయాలను కాపాడుకుందాం

నా తెలంగాణ, న్యూ ఢిల్లీ: భారత్​ కో జానియే క్విజ్​ లో ప్రపంచ వ్యాప్తంగా ఉన్న ప్రవాస భారతీయులు పాల్గొనాలని ప్రధానమంత్రి నరేంద్ర మోదీ పిలుపునిచ్చారు. శనివారం సామాజిక మాధ్యమం వేదికగా ఆయన ఒక ప్రకటన విడుదల చేశారు. దేశ, విదేశాల్లో ఉన్న ప్రవాసుల మధ్య బంధాన్ని మరింత బలోపేతం చేసే దిశగా ఈ క్విజ్​ నిర్వహిస్తున్నామన్నారు. ఈ క్విజ్​ నవంబర్​ 11నే విదేశాంగ శాఖ మంత్రి ఎస్​. జై శంకర్​ ప్రారంభించారు. డిసెంబర్​ 11వరకూ కొనసాగనుంది. ఆన్​ లైన్​ మాధ్యమంగా ఈ క్విజ్​ నిర్వహించబడుతుంది. భారత్​ వేదికగా విదేశాల్లోని ప్రవాస భారతీయులను కూడా ఈ క్విజ్​ లో పాల్గొనాలని భారతీయులని కోరాలని ప్రధాని మోదీ విజ్ఞప్తి చేశారు. దీని ద్వారా సుసంపన్నమైన వారసత్వం, శక్తివంతమైన సంస్కృతిని పునర్నిర్మించుకునే అద్భుతమైన మార్గాన్ని సొంతం చేసుకుందామన్నారు. గయానాలోని ప్రవాస భారతీయులు ఈ క్విజ్​ లో పాల్గొనాలని ప్రధాని మోదీ ఇటీవల పర్యటనలో విజ్ఞప్తి చేశారు. ఈ క్విజ్​ లో పాల్గొనేందుకు 14 నుంచి 50 సంవత్సరాల వారు అర్హులు. ఇందులో 30 ప్రశ్నలు ఉండనున్నాయి. ఒక్కో ప్రశ్నకు 30 సెకన్ల గరిష్ఠ సమయాన్ని కేటాయించారు. క్విజ్​ లో 30 విజేతలకు రెండు వారాలపాటు భారత్​ టూర్​ కు పంపించనున్నారు. క్విజ్​ లో పాల్గొనే వారందరికీ ధృవీకరణ పత్రం అందజేయనున్నారు.