ప్రొటెం స్పీకర్​ గా మహతాబ్​ ను నియమించిన రాష్ట్రపతి

నా తెలంగాణ, న్యూ ఢిల్లీ: ఒడిశా కటక్​ కు చెందిన బీజేపీ ఎంపీ భర్త్రిహరి మహతాబ్‌ను రాష్ర్టపతి ద్రౌపదీ ముర్మూ ప్రొటెం స్పీకర్​ గా నియమిస్తూ గురువారం ప్రకటన విడుదల చేశారు. నూతన ఎంపీలత పాటు పార్లమెంట్​ లో మహతాబ్​ కూడా ప్రమాణ స్వీకారం చేయనున్నారు. ప్రొటెం స్పీకర్​ కు సహాయకులుగా సురేశ్ కోడికున్నిల్, తలిక్కోట్టై రాజుతేవర్ బాలు, రాధామోహన్ సింగ్, ఫగ్గన్ సింగ్ కులస్తే, సుదీప్ బందోపాధ్యాయలను రాష్ట్రపతి నియమించారు.

భర్తిహరి మహతాబ్ కటక్ నుంచి ఏడుసార్లు ఎంపీగా ఎన్నికయ్యారు. ఈ ఏడాది మార్చిలోనే బీజేడీని వీడి బీజేపీలో చేరారు. 2017లో, లోక్‌సభలో జరిగిన చర్చల్లో అద్భుతమైన పనితీరు కనబరిచినందుకు ఆయనకు అత్యుత్తమ పార్లమెంటేరియన్ అవార్డు కూడా లభించింది.

ప్రొటెం స్పీకర్ ఎవరు?

ప్రొటెం స్పీకర్​ అంటే స్పీకర్​ ఎన్నికయ్యే వరకు తాత్కాలిక ప్రాతిపదికన సభలను నడిపేందుకు నియమిస్తారు. ఎన్నికైన ఎంపీలు లేదా ఎమ్మెల్యేలతో ఆయా సభల్లో ప్రొటెం స్పీకర్​ ప్రమాణ స్వీకారం చేయిస్తారు. 

18వ లోక్​ సభ తొలి సెషన్​ జన్​ 24న ప్రారంభం కానున్న విషయం తెలిసిందే. జూలై 3వ తేదీ వరకు సభ కొనసాగనుంది. స్పీకర్​ పదవిపై ఇంకా అనిశ్చితి నెలకొన్నందున రాష్ర్టపతి తన అధికారాలను వినియోగించుకొని ప్రొటెం స్పీకర్​ ను నియమించారు.