ప్రశాంత్​ కిషోర్​ నిరసనలపై ఆగ్రహం

విద్యార్థినీలతో జన సమీకరణ
బీపీఎస్​ సీ ఆందోళన

పాట్నా:  బీపీఎస్​ సీ పరీక్షలను మళ్లీ నిర్వహించాలని పరీక్షల్లో పాల్గొనని, పోలీసు వ్రాత పరీక్షకు సిద్ధమవుతున్న వారిని ప్రశాంత్​ కిషోర్​ ఆందోళనల్లో పాల్గొనేలా చేశారు. శుక్రవారం పరీక్షలు నిర్వహించాలనే డిమాండ్​ తో సీఎం హౌస్​ ను చుట్టుముట్టేందుకు ప్రయత్నించడంతో పోలీసులు అడ్డుకున్నారు. ఈ సందర్భంగా పెద్ద యెత్తున విద్యార్థినులు తరలివచ్చి నినాదాలు, ఆందోళనలు చేశారు. ఓ అరగంట తరువాత వారంతా అక్కడి నుంచి పయనమయ్యారు. ఈ సందర్భంగా మీడియా అడిగిన పలు ప్రశ్నలకు విద్యార్థినులు స్పందించారు. ప్రశాంత్​ కిషోర్​, ఇతర పార్టీల నేతలు తమను ఓ పది నిమిషాలపాటు వచ్చి ఆందోళనలో కూర్చోవాలని కోరారన్నారు. తాము బీపీఎస్​ సీ పరీక్షలు రాశామని కొందరు, రాయలేదని మరికొందరు, రాయబోతున్నామని కొందరు విద్యార్థినీలు వివరించారు. మరికొందరైతే ప్రశాంత్​ కిషోర్​ ఎవరో తెలియదని తోటి విద్యార్థులు ఆందోళనకు వెళుతుంటే తాము వచ్చామన్నారు. దీంతో విద్యార్థినులను తప్పుదోవ పట్టిస్తున్న ప్రశాంత్​ కిషోర్​ ఆందోళనపై పలువురు తీవ్ర ఆగ్రహం వ్యక్తం చేశారు. ఆందోళన సందర్భంగా పలు రైళ్ల రాకపోకలకు ఆటంకాలు ఎదురయ్యాయి. జాతీయ రహదారులు, రైల్వే స్టేషన్లు, సీఎం ఇంటివద్దకు వచ్చేందుకు ప్రయత్నించిన వారిపై పోలీసులు లాఠీ చార్జీ చేసి చెదరగొట్టారు.