మహారాష్ట్ర బస్సుల్లో పోలీసులు?

ముంబాయి: మహారాష్ట్ర–కర్ణాటక మధ్య ఉద్రిక్తతల నేపథ్యంలో ప్రభుత్వ బస్సుల్లో మార్షల్స్​ లేదా పోలీసులను మోహరించాలని ప్రభుత్వం యోచిస్తుందని మహారాష్ట్ర రవాణా శాఖ మంత్రి సర్నాయక్​ అన్నారు. రెండురాష్ట్రాల ఉద్రిక్తతలపై సీఎం అధ్యక్షతన ఈ విషయాన్ని సీరియస్​ గా పరిశీలిస్తున్నట్లు మంత్రి మంగళవారం మీడియాతో వివరించారు. ప్రయాణీకుల భద్రత గురించి రవాణా మంత్రిగా ఆలోచించాల్సిన అవసరం ఉందన్నార. కొంతమంది సంఘ విద్రోహ శక్తుల వల్ల ప్రమాదం ఉన్నట్లు భావిస్తే మార్షల్​ లేదా పోలీసులను బస్సులో నియమిస్తామన్నారు. రాష్ర్ట మంత్రివర్గంలోనూ ఈ అంశం చర్చిస్తున్నట్లు తెలిపారు. మహారాష్ట్రకు, మరాఠీ భాషకు సొంత గౌరవం ఉందన్నారు. రాష్ట్ర ప్రజలను బెదిరిస్తే చూస్తూ ఊరుకోబోమన్నారు. అదే సమయంలో కర్ణాటకకు వచ్చే మహారాష్ట్ర బస్సులకు భద్రత కల్పించాల్సిన బాధ్యత ఆ రాష్ట్రప్రభుత్వానికి ఉందని మంత్రి సర్నాయక్​ అన్నారు.