జనవరి 1 నుంచి ‘నూతనం’

నా తెలంగాణ, సెంట్రల్​ డెస్క్​: 2025 నూతన సంవత్సరంలో పలు అంశాలు, పరిమితులు మారనున్నాయి. మార్పులు చేసుకోనున్న అంశాలు ఏంటో తెలుసుకుందాం.

1. యూపీఐ పేమెంట్​ పరిమితి పెంచారు. జనవరి 1 నుంచి 10వేలు ఆన్​ లైన్​ పేమెంట్​ చేయొచ్చు. ప్రస్తుతం ఫీచర్​ ఫోన్లతో యూపీఐ పేమెంట్​ రూ. 5వేలుగా ఉంది. 

2. పెన్షన్​ లు ఏదైనా బ్యాంకుల్లో నుంచి విత్​ డ్రా చేసుకోవచ్చు. ఇంతకుముందు అకౌంట్​ ఏ బ్యాంకులో ఉంటే అదే బ్యాంకులో నుంచి పెన్షన్​ ను తీసుకునే సౌకర్యం ఉండేది. 

3. రైతులకు గ్యారంటీ లేకుండా రూ. 2 లక్షల రుణం లభించనుంది. ఆర్బీఐ ఈ విషయాన్ని ప్రకటించింది. ఇంతకుముందు ఈ పరిమితి రూ. 1.6 లక్షలుగా ఉంది. 

4. ఇకపై టెలికామ్​ సంస్థలు ఎస్​ ఎంఎస్​ ప్యాక్​ లను కూడా ఉచితంగానే అందజేయాల్సి ఉంటుంది. కాలింగ్​, డేటాల కోసం ప్రత్యేక ప్యాకేజీలను అందజేయనుంది. కేంద్ర ప్రభుత్వ మార్గనిర్దేశకాలు జనవరి 1 నుంచే అమల్లోకి రానున్నాయి. దీంతో డేటా వాడని వినియోగదారులకు కాలింగ్​ ప్యాక్​ తక్కువ ధరకే లభిస్తుంది.

5. మారుతి, హుందాయ్​, టాటా, కియా, ఎంజీ మోటార్స్​ లాంటి కార్లు మరింత ప్రియం కానున్నాయి. బైకుల ధరలు కూడా 2 నుంచి 3 శాతం పెరగనున్నాయి. వాహన సంస్థలు రూపొందిస్తున్న వాహనాల విడిభాగాల ధరలు భారీగా పెరగడంతో సంస్థలు కేంద్ర ప్రభుత్వానికి చేసిన విజ్ఞప్తితో ఈ పెరుగుదల చోటు చేసుకుంది. 

6. పాత ఫోన్లలో ఇక వాట్సాప్​ పనిచేయదు. ఆండ్రాయిడ్​ 4.4, అంతకుముందు ఫోన్లలో వాట్సాప్​ పనిచేయదు. 

7. కాలుష్య నిబంధనలు మరింత కఠినతరం చేశారు. 2025 ఏప్రిల్​ 1 నుంచి బీఎస్​–7 ‘భారత్​ స్టేడ్​–7’ను అమలు చేయనున్నారు. ఈ నిబంధన ప్రకారం 15యేళ్లు దాటిన వాహనాలన్నీ తుక్కుగానే భావించాల్సి ఉంటుంది. 

8. ఐపీఎల్​ లో విరాట్​ కోహ్లీ తిరిగి రానున్నారు. ఆర్సీబీ కెప్టెన్​ గా ఆడనున్నారు. ప్రస్తుతం ఆర్సీబీ కెప్టెన్​ గా సౌత్​ ఆఫ్​రికాకు చెందిన డూప్లెసిస్​ వ్యవహరిస్తున్నారు. వరల్డ్​ టెస్ట్​ చాంపియన్​ షిప్​ తరువాత రోహిత్​ శర్మ టెస్ట్​ క్రికెట్​ కు రిటైర్మెంట్​ చెప్పనున్నారు. 

9. నో డిటెన్షన్​ పాలసీని కేంద్ర ప్రభుత్వం ప్రకటించింది. ఈ పాలసీ ప్రకారం 5, 8 తరగతుల్లో తప్పనిసరిగా ఉత్తీర్ణలు కావాలి లేదంటే కింది తరగతిలోనే కూర్చోబెట్టనున్నారు. అయితే ఉత్తీర్ణత సాధించని వారికి రెండు నెలల్లో మరోమారు పరీక్ష పెట్టనున్నారు. అంటే ఈ రెండు తరగతులకు బోర్డ్​ ఎగ్జామ్​ నియమ నిబంధనలను వర్తింప చేశారు. అదే సమయంలో ఆయా రాష్​ర్టాలు ఈ కేంద్ర విద్యాశాఖ నియమ నిబంధనలను పాటించాలా? వద్దా? అనే విషయంపై నిర్ణయాన్ని వారికే వదిలేశారు. ఈ నిబంధన అన్ని కేంద్ర ప్రభుత్వ పాఠశాలల్లో అమలు కానుంది. 

10. అగ్నివీరులకు 10 శాతం రిజర్వేషన్లు కల్పించారు. సీఐఎస్​ఎఫ్​, బీఎస్​ ఎఫ్​ లో అగ్నివీరులకు 10 శాతం రిజర్వేషన్​ ను ప్రకటించారు. ఫిజికల్​ టెస్ట్​, వయస్సులపై కూడా నిబంధనలను సడలించారు. 

ఇవే గాక ఆదాయపు పన్ను, ఎగుమతి పన్నులు, కొత్త పథకాల ప్రకటన కూడా 1 ఫిబ్రవరిన బడ్జెట్​ లో ప్రకటించనున్నారు. 

ప్రతీ నెలా 1వ తేదీన కమర్షియల్​, డొమెస్టిక్​ గ్యాస్​ సిలీండర్ల కొత్త ధరలను ప్రకటించనున్నారు.