మన్మోహన్​ కు తాత్కాలిక ప్రధాని నివాళులు

ఢాకా: బంగ్లాదేశ్​ తాత్కాలిక ప్రధానమంత్రి మహమ్మద్​ యూనస్​ భారత మాజీ ప్రధానమంత్రి మన్మోహన్​ సింగ్​ కు మంగళవారం నివాళులర్పించారు. ఢాకాలోని భారత హై కమిషన్​ లో ఉంచిన చిత్రపటానికి పూలమాలలు వేసి నివాళులర్పించారు. అనంతరం తన సందేశాన్ని రాశారు. మన్మోహన్​ మృతి పట్ల సంతాపం వ్యక్తం చేశారు. హై కమిషనర్​ ప్రణయ్​ కుమార్​ వర్మతో కాసేపు ముచ్చటించారు. మన్మోహన్​ నిరాడంబరమైన నేతగా యూనస్​ అభివర్ణించారు. భారత్​ ను ఆర్థిక శక్తిగా మార్చడంలో ఆయన ఎంతో కృషి చేశారని కొనియాడారు. 1971లో ఇందిరాగాంధీ ప్రభుత్వం అధికారంలో ఉంది. బంగ్లా వ్యవస్థాపకుడు షేక్​ ముజిబుర్​ రెహమాన్​ నెహ్రూ కుటుంబంతో మంచి సంబంధాలను కలిగి ఉండేది. 

పాక్​ ప్రధాని షాబాజ్​ షరీఫ్​ మాజీ ప్రధాని మన్మోహన్​ సింగ్​ కు ఇంతవరకు సంతాపం కానీ, నివాళులర్పించడం కానీ చేయలేదు. దీనిపై పాక్​ లోనే గాకుండా ప్రపంచవ్యాప్తంగా షరీఫ్​ పై విమర్శలు వెల్లువెత్తుతున్నాయి. మన్మోహన్​ సింగ్​ కు నివాళులర్పించకపోవడం పట్ల పాక్​ మీడియా కోడై కూస్తుంది. ఇది మంచి సంప్రదాయం కాదని షాబాజ్​ తీరును ఎండగడుతుంది.