త్రిశూలిలో ఎన్డీఆర్ఎఫ్ సెర్చ్
ఆపరేషన్ నేపాల్ విజ్ఞప్తి మేరకు భారత బృందం
ఖాట్మాండు: నేపాల్ త్రిశూలి నదిలో కొట్టుకుపోయిన వారి ఆచూకీ కనుగొనేందుకు నేపాల్ ప్రభుత్వ విజ్ఞప్తి మేరకు భారత బృందం శనివారం చేరుకుంది. ఆదివారం ఉదయాన్నే ఈ 12 మంది ఎన్డీఆర్ఎఫ్ బృందం అత్యాధునిక పరికరాలతో సెర్చింగ్ ఆపరేషన్ కు దిగింది. సోనార్ కెమెరాలతో ఎన్డీఆర్ ఎఫ్ బృందాలు బోట్ల ద్వారా త్రిశూలి నదిలో సెర్చింగ్ ఆపరేషన్ మొదలు పెట్టారు. నలుగురు గజ ఈతగాళ్లు (డైవర్స్) కూడా సెర్చ్ ఆపరేషన్ లో పాల్గొన్నారు.
గత వారం 65 మందితో ప్రయాణిస్తున్న రెండు బస్సులు అదుపు తప్పి త్రిశూలి నదిలో పడిపోయాయి. ఈ ప్రమాదంలో పలువురిని రెస్క్యూ బృందాలు రక్షించాయి. ముగ్గురు నదిని ఈదుకుంటూ ప్రాణాలు దక్కించుకోగలిగారు. మిగతా వారి ఆచూకీ ఇంకా లభించలేదు. ఇందులో ఏడుగురు భారతీయులు కూడా ఉన్నారు.
