పాట్నా సాహిబ్​ గురుద్వారాలో మోదీ ప్రత్యేక ప్రార్థనలు

పాట్నా: మూడు రోజులపాటు బిహార్​ పర్యటనలో ఉన్న ప్రధాని మోదీ సోమవారం పాట్నాలోని సాహిబ్​ గురుద్వారాలో ప్రత్యేక ప్రార్థనలు నిర్వహించారు. గురుద్వారాలో పెద్ద ఎత్తున భక్తులు నరేంద్ర మోదీకి స్వాగతం పలికారు. ప్రధాని మోదీ గురుద్వారాకు వెళ్లగానే  ప్రధాని తొలుత ఆలయంలో బాబాసాహిబ్​ కు పూలు సమర్పించారు. అనంతరం శిరస్సు వంచి ప్రార్థించారు. భక్తులకు అభివాదం చేస్తూ వంటగడిలోకి వెళ్లి రొట్టెలను చేశారు. పనివారికి సహాయం చేశారు. అనంతరం పలువురు భక్తులకు స్వయంగా భోజనాలను వడ్డించారు.

భక్తులకు అభివాదం చేస్తుండగా ఓ చిన్న పిల్లవాడి ఉత్సుకత చూసి ప్రధాని మోదీ పిల్లాడితో కరచాలనం చేసి సంతోషపెట్టారు. 

మోదీ గురుద్వారాకు వచ్చేముందు సాంప్రదాయ సిక్కు దుస్తులు, తలపాగాను ధరించి వచ్చారు. ఆ వేషాధారణలో ప్రధానిని చూసిన పలువురు భక్తులు ఆయన్ను కలిసేందుకు ఆసక్తి చూపించినా ప్రోటోకాల్​ నిబంధనల వల్ల భద్రతా సిబ్బంది ఎవ్వరినీ దగ్గరకు రానీయలేదు. అయినా ప్రధాని అందరికి వందనాలు తెలుపుతూ ముందుకు సాగారు.