అంబేద్కర్​ పై కాంగ్రెస్​ నిరసనలు మండిపడ్డ మాయావతి

లక్నో: అంబేద్కర్​ పై కాంగ్రెస్​ పార్టీ చేస్తున్న నిరసనలపై బీఎస్పీ అధినేత్రి మాయావతి తీవ్ర ఆగ్రహం వ్యక్తం చేశారు. మంగళవారం లక్నో కలెక్టరేట్​ వద్ద కాంగ్రెస్​ పార్టీ నిరసనలు చేపట్టగా, మాయవతి కాంగ్రెస్​ కు వ్యతిరేకంగా పలుచోట్ల నిరసనలు చేపట్టారు. అంబేద్కర్​ పేరును ఓటు రాజకీయం కోసం వాడుకోవడం దురదృష్టకరమన్నారు. మాయవతి మేనల్లుడు ఆకాష్​ ఆనంద్​ కూడా ఈ నిరసనల్లో పాల్గొని రాహుల్​ గాంధీ, ప్రియాంక, అరవింద్​ కేజ్రీవాల్​ లపై ఎదురుదాడికి దిగారు. బాబా సాహెబ్​ పేరును ఓట్ల కోసం వాడుకోవడం వీరికి ఫ్యాషన్​ గా మారిందన్నారు. నీలి విప్లవాన్ని ఫ్యాషన్​ షోగా మారుస్తారా? అని ఆగ్రహం వ్యక్తం చేశారు. రాహుల్​ గాంధీకి ఇండియా బ్లాక్​ లో మద్ధతు లభించడం లేదని ఆరోపించారు. అందుకే వారంతా బీజేపీకి వ్యతిరేకంగా ఏకం అయ్యారని ఆకాష్​ మండిపడ్డారు.