పిస్టల్​ పేలి ఎమ్మెల్యే మృతి

చండీగఢ్​: ఆప్​ పంజాబ్​ లూథియా వెస్ట్​ ఎమ్మెల్యే గురుప్రీత్​ గోగి అనుమానాస్పద మృతి తీవ్ర కలకలం రేపుతోంది. లైసెన్సుడు పిస్టల్​ ను శుభ్రం చేస్తుండగా ప్రమాదవశాత్తు పేలి తలలోకి బుల్లెట్​ దూసుకువెళ్లి శుక్రవారం 12 గంటలకు మృతి చెందారు. పోలీసులు, కుటుంబ సభ్యులు ప్రమాదవశాత్తు బుల్లెట్​ పేలడంతోనే మృతిచెందారని ప్రకటించారు. బుల్లెట్​ తగిలిన వెంటనే గోగిని కుటుంబ సభ్యులు డీఎంసీ ఆసుపత్రికి తరలించారు. అప్పటికే మృతిచెందినట్లు వైద్యులు ధృవీకరించారు. లూథియానా డీసీపీ జస్కరన్​ సింగ తేజా సంఘటనా స్థలానికి చేరుకొని పరిశీలించారు. ఘటనకు సంబంధించిన వివరాలను కుటుంబ సభ్యుల ద్వారా ఆరా తీశారు. గోగి 2022లో కాంగ్రెస్​ పార్టీని వీడి ఆప్​ లో చేరారు. ఈయన రెండుసార్లు లూథియానా వెస్ట్​ కు ఎమ్మెల్యేగా ఎన్నికయ్యారు. కాగా పోలీసులు,కుటుంబ సభ్యులు ప్రమాదంగా అభివర్ణిస్తున్నా, ఈ ఉదంతంపై ఆయన సన్నిహితులు పలు ప్రశ్నలు లేవనెత్తుతున్నారు. శనివారం ఆయన అంత్యక్రియలు నిర్వహించనున్నట్లు కుటుంబ సభ్యులు ప్రకటించారు. ఆప్​ పార్టీ నాయకుడు మనీష్​ సిసోడియా ఈ ఘటనపై స్పందిస్తూ గోగి మృతి ఆప్​ పార్టీకి తీరని లోటని సంతాపం వ్యక్తం చేశారు. పార్టీ పరంగా తమకు నష్టమన్నారు. కాగా ప్రమాదానికి కొన్ని గంటల ముందు గోగి అసెంబ్లీ స్పీకర్​ కుల్తార్​ సింగ్​ సంధ్వన్​, ఆప్​ ఎంపీ బల్బీర్​ సింగ్​ షీచెవాల్​ తో సమావేశమయ్యారు.