ట్రంప్​ ను ఓడించేవాన్నే!

నా తెలంగాణ, న్యూ ఢిల్లీ: పార్టీని ఏకతాటిపైకి తీసుకువచ్చేందుకు తాను అధ్యక్ష పదవికి పోటీ చేయలేదని, తాను పోటీ చేస్తే ట్రంప్​ ను సునాయాసంగానే ఓడించగలిగేవాడినని జో బైడెన్​ మీడియాతో అన్నారు. కమలా హారీస్​ చేసిన ప్రయత్నం గొప్పదన్నారు. డెమోక్రటిక్​ పార్టీ ఐక్యత కోసమే అభ్యర్థిత్వాన్ని ఉపసంహరించుకున్నట్లు తెలిపారు. అయినా ట్రంప్​ ను ఓడించినట్లుగానే భావిస్తున్నట్లు తెలిపారు. జూన్​ లో జరిగిన చర్చ సందర్భంగా బిడెన్​ అధ్యక్ష అభ్యర్థిత్వాన్ని పార్టీ వర్గాలు వ్యతిరేకించాయి. అదీగాక పలు సమావేశాలు, సదస్సుల్లో బైడెన్​ వృద్దాప్యం కారణంగా అభాసుపాలయ్యారు. ఈ నేపథ్యంలో డెమోక్రటిక్​ పార్టీ అధ్యక్ష అభ్యర్థిగా కమలా హారీస్​ కు అవకాశం దక్కింది. ఆమెతో ట్రంప్​ ముఖాముఖి పాల్గొని ఎన్నికల్లో విజయం సాధించారు. అధ్యక్ష ఎన్నికల్లో పోటీ చేసే సత్తా కమలా హారీస్​ కే ఉందని భావిస్తున్నట్లు జో బైడెన్​ స్పష్టం చేశారు.