లౌడ్​ స్పీకర్లు.. సుప్రీం నిబంధనలకు కట్టుబడాలి

ముంబాయి: మహారాష్ట్రలో లౌడ్​ స్పీకర్ల అంశంలో సుప్రీం నిబంధనలకు కట్టుబడి ఉండాలని లేకుంటే సంబంధిత శాఖ చర్యలు తీసుకుంటుందని సీఎం దేవేంద్ర ఫడ్నవీస్​ స్పష్టం చేశారు. మంగళవారం ఈ అంశంపై మీడియా అడిగిన ప్రశ్నకు సమాధానం ఇచ్చారు. రాత్రి 10 గంటల నుంచి ఉదయం 6 గంటల వరకు ప్రార్థనాలయాలు, దేవాలయాలు అన్ని చోట్లా లౌడ్​ స్పీకర్లు ఆపివేయాలన్నారు. లేకుంటే శబ్ధ కాలుష్యంపై చట్టపరమైన చర్యలకు ప్రభుత్వం దిగుతుందన్నారు. నిబంధనల ప్రకారం లౌడ్​ స్పీకర్ల పరిమితి పగటిపూట 55 డెసిబుల్స్​, రాత్రికి 45 డెసిబుల్స్​ వరకు ఉండాలన్నారు. అంతకుమించి ఉండకూడదన్నారు. నిబంధనలు ఉల్లంఘించినట్లయితే మహారాష్ట్ర కాలుష్య నియంత్రణ బోర్డు కఠిన చర్యలు తీసుకుంటుందని, సంబంధిత పోలీస్​ స్టేషన్​ ఇన్​ స్పెక్టర్​ బాధ్యత వహించాల్సి ఉంటుందని అన్నారు. శబ్ధ నియమాలను తమ పోలీస్​ స్టేషన్​ పరిధిలో పాటిస్తున్నారా? లేదా? అనేది ఇన్​ స్పెక్టర్ల బాధ్యత అన్నారు. కేంద్రం రూపొందించిన చట్టం ప్రకారం ఎంపీసీబీకి చర్యలు తీసుకునే అధికారం ఉందన్నది గుర్తుంచుకోవాలన్నారు. ఇక మహారాష్ట్రలో లౌడ్​ స్పీకర్ల రాజకీయానికి తెరదించుతామని సీఎం దేవేంద్ర ఫడ్నవీస్​ అన్నారు.