ప్రధాని దార్శనికత భేష్​

యూకె మాజీ ప్రధాని రిషి సునాక్​

నా తెలంగాణ, న్యూ ఢిల్లీ: ప్రధాని నరేంద్ర మోదీ దార్శనికత వినడం ఎల్లప్పుడూ ఉత్సాహంగానే ఉంటుందని యూకె మాజీ ప్రధాని రిషి సునాక్​ అన్నారు. న్యూ ఢిల్లీలో ప్రధాని నరేంద్ర మోదీని, రిషిసునాక్​ మంగళవారం రాత్రి కలిశారు. ఈ సందర్భంగా ఇరువురి మధ్య పలు అంశాలపై చర్చలు జరిగాయి. చర్చల సారాంశాన్ని బుధవారం ప్రధాని మోదీ, రిషి సునాక్​ సామాజిక మాధ్యమం వేదికగా పంచుకున్నారు. 

రిషి భారత్​ కు గొప్ప స్నేహితుడని ప్రధాని కితాబిచ్చారు. భారత్​ తో యుకె బంధాల బలోపేతానికి ఆయన చేసిన కృషి ఎనలేనిదన్నారు. రిషి, ఆయన కుటుంబ సభ్యులను కలవడం ఆనందంగా ఉందని మోదీ అన్నారు. ఈ సందర్భంగా పలు అంశాలపై చర్చలు, సంభాషణలు అద్భుతంగా జరిగాయన్నారు. ప్రధానమంత్రి పోస్ట్​ కు రిషి సునాక్​ సమాధానం ఇస్తూ ఇరుదేశాల బంధాల బలోపేతానికి ప్రధాని మోదీ తనకు నిరంతరం మద్ధతు అందించేవారన్నారు. తనను, కుటుంబాన్ని స్వాగతించినందుకు ప్రధాని మోదీకి హృదయపూర్వక కృతజ్ఞతలు తెలిపారు. ప్రధాని దార్శనికత ఎప్పుడూ బలంగానే ఉంటుందని రిషి సునాక్​ చెప్పారు. 

సునాక్​ ఇటీవల భారత్​ లో సందర్శించి పలు ప్రాంతాల్లో పర్యటించారు. ప్రధాని మోదీ ఆహ్వానం మేరకు ఆయన్ను కుటుంబంతో సహా కలిశారు.