ట్రంప్​ కు లియాంగ్​ షాక్​

నా తెలంగాణ, సెంట్రల్​ డెస్క్​: అమెరికా అధ్యక్షుడు డోనాల్డ్​ ట్రంప్​ కు చైనీస్ లియాంగ్​​‘ డీప్​ సీక్’​ షాక్​ తగిలింది. అమెరికా చాట్​ జీపీటీ, ఓపెన్​ ఎఐలు చైనా డీప్​ సీక్​ దెబ్బకు భారీగా నష్టపోయాయి. ఈ భయంతోనే అమెరికా చైనా మైక్రో చిప్​ ల ఎగుమతులను రద్దు చేసింది. అయినా చైనా డీప్​ సీక్​ దెబ్బకు పలు బడా  సంస్థలు సైతం వణికిపోయాయి. ఈ సంస్థ వ్యవస్థాపకుడు లియాంగ్​ వెన్​ ఫెంగ్​ (40). చూసేందుకు సన్నగా, చింపిరి జుట్టుతో ఉన్న ఇతను ఆది నుంచే సాంకేతికతపై మంచి పట్టు సాధించాడు. 2021లో వెన్​ ఫెంగ్​ అమెరికా స్టార్​ టెక్​ సంస్థ ఎన్విడియాకు చెందిన వేలాది గ్రాఫిక్స్​ ప్రాసెసర్లను కొనుగోలు చేశాడు. దీన్ని ఎవ్వరూ పెద్దగా పట్టించుకోలేదు. ఆ విషయాన్ని కూడా మరిచిపోయారు. ఆ సంస్థ ప్రాసెసర్లకు ధీటుగా డీప్​ సీక్​ ప్రాసెసర్లను రూపొందించడంలో విజయం సాధించాడు. తన సృష్టికి జనవరి 27 ముహూర్తం ఖరారు చేసి డీప్​ సీక్​ ను విడుదల చేశాడు. దీంతో ఒక్కసారిగా అమెరికన ఎన్విడియా, ఓపెన్​ ఎఐ సంస్థలకు చెందిన షేర్లు భారీగా నష్టపోయాయి. ఈ సంస్థలు రూపొందించిన చాట్​ జీపీటీ, ఓపెన్​ ఎఐల కంటే చైనాకు చెందిన డీప్​ సీక్​ ధర తక్కువగా ఉండడంతో అమెరికా సంస్థలకు 600 బిలియన్​ డాలర్ల భారీ నష్టం వాటిల్లింది. 

చైనాలోని ఝాంజియాంగ్​ లో జన్మించిన లియాంగ్​ వెన్​ ఫెంగ్​ చదువులో చురుకుగా వ్యవహరించేవాడు. 2007 బెజియాంగ్​ యూనివర్సిటీ నుంచి ఐటీ ఇంజనీరింగ్​ లో పట్టభద్రుడయ్యాడు. 2010లో ఇన్ఫర్మేషన్​ అండ్​ కమ్యూనికేషన్​ ఇంజనీరింగ్​ లో పోస్ట్​ గ్రాడ్యుయేషన్​ చేశాడు. ట్రాకింగ్​ అల్గారిథమ్​ ను కూడా ఇతను కనుగొన్నాడు. తన ఆవిష్కరణ కోసం పీటీజడ్​ అనే తక్కువ ధర కలిగిన కెమెరాలను ఉపయోగించాడు. 2013లో హాంగ్‌జౌ యాకేబీ ఇన్వెస్ట్‌మెంట్ మేనేజ్‌మెంట్ కంపెనీని స్థాపించాడు. 2015లో జెజియాంగ్ జియుజాంగ్ అసెట్ మేనేజ్‌మెంట్ కంపెనీని స్థాపించాడు. డీప్‌సీక్ కంపెనీ 2023లో ఏర్పాటు చేశాడు. ప్రస్తుతం ఆర్టిఫిషియల్​ రంగంలో లియాంగ్​ ప్రతిభను చూసి ప్రపంచం మొత్తం ఆశ్చర్యపోతుంది.