అబద్దాల ‘ఎన్​ సైక్లోపీడియా’ కేజ్రీ

నా తెలంగాణ, న్యూ ఢిల్లీ: అబద్ధాలకు, అసత్యాలకు బ్రాండ్​ అంబాసిడర్​ ‘ఎన్​ సైక్లోపీడియా’ ఆప్​ అధినేత కేజ్రీవాల్​ అని కేంద్రమంత్రి జేపీ నడ్డా అన్నారు. ఆదివారం మీడియాతో ప్రత్యేకంగా మాట్లాడుతూ ఆప్​ ను లక్ష్యంగా చేసుకొని విమర్శల బాణాలు సంధించారు. ఢిల్లీ ఓటర్లు మార్పు కోసం తహతహలాడుతున్నారని, బీజేపీ ప్రభుత్వాన్ని ఏర్పాటు చేసే సంకల్పంతో ఉన్నారని అన్నారు. ఈసారి ఆపద ప్రభుత్వానికి ప్రజలు పూర్తి గుణపాఠం చెప్పనున్నారని అన్నారు. ప్రజలకు డబుల్​ ఇంజన్​ ప్రభుత్వం కావాలని మనస్సులో నాటుకుపోయిందన్నారు. దీంతో అసత్యాలు, అబద్ధాలకు ఈ ఎన్​ సైక్లోపీడియా ద్వారా తెరతీస్తున్నారని విమర్శించారు. మురికివాడల ప్రజలు కూడా ఈసారి తమ మనస్సు మార్చుకున్నారని బీజేపీ ప్రభుత్వానికి పూర్తి మద్ధతు ఇవ్వబోతున్నారని అన్నారు. ఆప్​ నాయకులు, ఓటర్లలో గెలుస్తామన్న ధీమానే కోల్పోయారని అన్నారు. దేశంలో ఏ ఎన్నికల్లోనైనా రాజకీయ పార్టీలు తమను తాము రక్షించుకునేందుకు ఏదో ఒక సమస్యను ముందేసి ప్రజలను తప్పుదోవ పట్టించి ఓట్లను దండుకునే ప్రణాళికలకు అంకురార్పణ చేస్తాయన్నారు. ఆప్​ కూడా అదే చేసిందన్నారు. బీజేపీ కూడా తమ వ్యూహాంతో ముందుకువెళుతుందని, తమ ఈ వ్యూహంలో ప్రజాసంక్షేమం దాగి ఉందని జేపీ నడ్డా అన్నారు.