ముంబాయి విమానాశ్రయంలో రూ. 50 కోట్ల డ్రగ్​ స్వాధీనం

ముంబాయి: ముంబాయి విమానాశ్రయంలో రూ. 50 కోట్ల విలువైన హైడ్రోపోనిక్ (మత్తుపదార్థం)​ డ్రగ్​ ను స్వాధీనం చేసుకున్నారు. దీంతోపాటు బంగారం, వజ్రాలను కూడా చేశారు. వీటిలోపాటు ఎనిమిది మందిని అదుపులోకి తీసుకున్నారు. కస్టమ్​ అధికారులు చేపట్టిన ఈ ఆపరేషన్​ వివరాలు ఆదివారం వెలుగులోకొచ్చాయి. జనవరి 28 నుంచి 31 వరకు ఛత్రపతి శివాజీ అంతర్జాతీయ విమానాశ్రయంలో కస్టమ్​ అధికారులు నిర్వహించిన ప్రత్యేక ఆపరేషన్​ లో వీటిని స్వాధీనం చేసుకున్నారు. ఈ ఆపరేషన్​ లో రూ. 50.116కోట్ల విలువైన హైడ్రోపినిక్​, రూ. 93.8 లక్షల విలువైన వజ్రాలు, రూ. 1.5 కోట్ల విలువైన 2.073 కిలోల బంగారం స్వాధీనం చేసుకున్నట్లు అధికారులు తెలిపారు. విమానాశ్రయం ద్వారా స్మగ్లింగ్​ కార్యకలాపాలపై ఇంటలిజెన్స్​ సమాచారం మేరకు డైరెక్టరేట్​ ఆఫ్​ రెవెన్యూ ఇంటలిజెన్స్​ తో కలిసి కస్టమ్​ అధికారులు ఈ దాడులు నిర్వహించారు. స్మగ్లింగ్​ ముఠాకు విమానాశ్రయంలో పనిచేస్తున్న ఉద్యోగులు కూడా సహకరిస్తున్నట్లు గుర్తించి వారిని అరెస్టు చేశారు. వీరి వద్ద నుంచి రీసీవర్లు, ఐదు ఓవల్​ ఆకారపు క్యాప్సూల్స్​, మైనపు రూపంలో ఉన్న రెండు ప్యాకెట్లు స్వాధీనం చేసుకున్నారు. బంగారం 6.05 కిలోలు మార్కెట్​ విలువ రూ. 4.84 కోట్లు ఉంటుందన్నారు.