అదంతా డ్రగ్సే..

విశాఖపట్నం: విదేశాల నుంచి విశాఖకు కంటెయినర్​లో 25వేల కిలోలు వచ్చింది డ్రగ్సేనని ఫోరెన్సిక్​ నివేదికలో వెల్లడైనట్లు సీబీఐ పేర్కొంది. నివేదికపై ఆదివారం అధికారులు మీడియాకు వివరాలందించారు. కంటెయినర్​లోని బస్తాల్లో  ఓపియం, మార్ఫిన్, హెరాయిన్, యాంఫిటమిన్, మెస్కలిన్​లు ఉన్నట్లుగా టెస్టుల్లో వెల్లడైనట్లు పేర్కొన్నారు. 49 నమూనాల్ని పరీక్షిస్తే అందులో 48 నమునాల్లో కొకైన్, మెథక్వలోన్​ వంటి మాదక ద్రవ్యాలున్నట్లు తేలిందని అధికారులు వివరించారు. అయితే డ్రగ్స్​ ఎంత పరిమాణంలో ఇందులో కలిసి ఉందనేది తేలాల్సి ఉందన్నారు. 20 శాతం మేర కలిసి ఉంటుందని భావిస్తున్నట్లు తెలిపారు. ఇంటర్​పోల్​ సమాచారంతో సీబీఐ నిఘా ముమ్మరం చేసి ఈ భారీ డ్రగ్స్​ రాకెట్​ను గుట్టును రట్టు చేసింది. కాగా డ్రగ్స్​ విలువ ఎంతన్నది అధికారులు పేర్కొనలేదు.