సైనికశక్తిలో భారత్​ నాలుగో స్థానం

నా తెలంగాణ, సెంట్రల్​ డెస్క్​:  ప్రపంచంలో బలమైన సైనికశక్తిలో భారత్​ నాలుగో వరుసలో నిలిచింది. గ్లోబల్​ పవర్​ ఇండెక్స్​ ప్రకారం ప్రపంచంలోని 60 దేశాల సైనిక శక్తిపై జరిగిన సర్వే వివరాలు వెల్లడయ్యాయి. తొలివరుసలో అమెరికా, రెండు స్థానంలో రష్యా, మూడో స్థానంలో చైనా, నాలుగో స్థానంలో భారత్​ కు చోటు దక్కింది. అదే సమయంలో మన శత్రుదేశం పాక్​ 12వ స్థానానికి దిగజారిపోయింది. సైనిక విభాగాలు, ఆర్థిక స్థితి, లాజిస్టిక్స్​ సామర్థ్యం, భౌగోళిక స్థానం, సాంకేతిక పురోగతి తదితర అంశాలను విశ్లేషిస్తూ ఈ సంస్థ సర్వే నివేదికను వెల్లడించింది. 

అమెరికా గ్లోబల్ పవర్​ ఇండెక్స్​ లో 0.0744, రష్యా 00788, చైనా 0.0788, భారత్​ 0.1184, దక్షిణ కొరియా 0.1656, ఫ్​రాన్స్​ 0.1878,  జపాన్​ 0.1839, టర్కీ 0.1902, ఇటలీ 0.2164తో వరుస స్థానాలలో ఉన్నాయి. పాక్​ 9 నుంచి 12వ స్థానానికి దిగజారింది. ఈ క్షీణత బలహీనమైన సైనిక శక్తిని సూచిస్తుంది. అత్యల్ప ర్యాంక్​ లో భూటాన్​ 145వ ర్యాంకులో ఉంది. 

భారత్​ సైనిక శక్తి..
14.5 లక్షల భూతల ఆర్మీ, ఇందులో 11.5 లక్షల రిజర్వ్​ సైనికులున్నారు. 25 లక్షలకు పైగా పారా మిలటరీ బలగాలున్నాయి. టీ–90 భీష్​మ, అర్జున్​ యుద్ధ ట్యాంకులు, బ్రహ్మోస్​ లాంటి అత్యాధునిక క్షిపణులు, పినాక వంటి రాకెట్​ వ్యవస్థలు ఉన్నాయి. వాయుధళం విషయానికి వస్తే 2,229 విమానాలున్నాయి. ఇందులో యుద్ధ విమానాలు 600, 899 హెలికాప్టర్లు, 831 సహాయక విమానాలున్నాయి. రఫెల్​, 30 ఎంకె సుఖోయ్​ లాంటి విమానాలున్నాయి. క్షిపణి వ్యవస్థల్లో రుద్రం, ఆస్ట్రా, నిర్భయ్, బ్రహ్మోస్, ఆకాష్ వాయు రక్షణ వ్యవస్థలున్నాయి. నౌకా దళం విషయానికి వస్తే  1,42,251 మంది నౌకాదళ సైనికులున్నారు. ఐఎన్​ఎస్​ విక్రమాధిత్య, ఐఎన్​ ఎస్​ విక్రాంత్​, 150 యుద్ధ నౌకలు, జలాంతర్గాములు, 50కిపైగా కొత్త నౌకలు, ఎంహెచ్​ 60 ఆర్​ విమానం, పీ–60 హెలికాప్టర్లున్నాయి. ఈ సర్వేలో ఆయా దేశాల్లో ఉన్న అణ్వాయుధాలను మాత్రం వెల్లడించలేదు. 

చైనా..
20 లక్షల సైనికులు, వైమానిక దళం 3,150 విమానాలు, నౌకాదళంలో 370 యుద్ధ నౌకలున్నాయి.