బీజాపూర్​ లో ఎన్​ కౌంటర్​ నలుగురు నక్సల్స్​ మృతి?

రాయ్​ పూర్​: బీజాపూర్​ మద్దెడ్​ పోలీస్​ స్టేషన్​ పరిధిలో భారీ ఎన్​ కౌంటర్​ చోటు చేసుకుంది. ఈ ఎన్​ కౌంటర్​ లో నలుగురు నక్సలైట్లు మృతి చెందారు. గురువారం ఉదయం నుంచి బీజాపూర్​ అటవీ ప్రాంతాన్ని డీఆర్జీ, సీఆర్పీఎఫ్​, కోబ్రా దళాలు సంయుక్తంగా కూంబింగ్​ ఆపరేషన్​ ను చేపట్టాయి. మద్దెడ పోలీస్​ స్టేషన్​ పరిధిలో అటవీ ప్రాంతంలో ఉన్నట్లుండి నక్సలైట్లు భద్రతా బలగాలపై కాల్పులకు తెగబడ్డారు. దీంతో భద్రతా దళాలు ఎదురుకాల్పులకు దిగాయి. ఈ కాల్పుల్లో నలుగురు నక్సలైట్లు మృతిచెందినట్లుగా సమాచారం. కాల్పులు కొనసాగుతున్నట్లు ఎన్​ కౌంటర్​ ఓ ఎంతమంది మృతి చెందారన్నది ఇప్పుడిప్పుడే చెప్పలేమని అధికారులు తెలిపారు. ఉదయం బాసగూడ పోలీస్​ స్టేషన్​ పరిధిలో ఎల్​ ఈడీ పేలి ఇద్దరు జవాన్లకు తీవ్ర గాయాలయ్యాయి.