ఫిన్లాండ్ విద్యుత్ కేబుల్ కట్
రష్యా ఓడను స్వాధీనం చేసుకున్న ఫిన్లాండ్
హెల్సింకి: ఫిన్లాండ్ కు చెందిన సముద్రగర్భంలోని విద్యుత్ సరఫరా కేబుల్ ను కత్తిరించారన్న ఆరోపణలపై ఆ దేశ తీర రక్షక దళాలు రష్యన్ చమురు నౌకన్ ను స్వాధీనం చేసుకున్నాయి. బుధవారం ఫిన్లాండ్, ఎస్టోనియా మధ్య సముద్రంలో ఉన్న ఈ విద్యుత్ సరఫరా కేబుల్ తెగిపోయింది. రష్యన్ నౌకనే ఈ కేబుల్ ను కట్ చేసిందని ఫిన్నిష్ అధికారులు శుక్రవారం మీడియాకు వివరించారు. రష్యాకు చెందిన ఈగిల్ ఎస్ అనే చమురు ట్యాంకర్ తమ దేశ ప్రాదేశిక జలాల్లో అడ్డుకున్నామన్నారు. ఈ ఓడ రష్యాలోని సెయింట్ పీటర్స్‌బర్గ్ నుంచి ఈజిప్ట్‌లోని పోర్ట్ సెడ్‌కు వెళుతోంది. మధ్య సముద్రగర్భలో ఉన్న విద్యుత్ సరఫరా చేసే ఎస్ట్ లింక్–2 కేబుల్ పై నుంచి వెళ్లడం వల్ల ఈ కేబుల్ తెగిపోయిందని ఆరోపించారు. ఈఘటనపై ఓడ ప్రమేయం ఉందా? లేదా? అనే దానిపై ఫిన్నిస్ పోలీసులు విచారణ చేపట్టారు. ఈ కేబుల్ ద్వారా 650 మెగావాట్ల విద్యుత్ సరఫరా అవుతుంది. కేబుల్ పొడవు 170 కి.మీ. ఇందులో 145 కి.మీ. సముద్రగర్భంలోనే ఉండడం గమనార్హం.
