మాజీ ప్రధాని మృతి.. పలు దేశాల సంతాపం

నా తెలంగాణ, న్యూ ఢిల్లీ: మాజీ ప్రధాని డా.మన్మోహన్​ సింగ్​ మృతి పట్ల పలు దేశాలు తీవ్ర విచారాన్ని వ్యక్తం చేశాయి, సంతాపాన్ని ప్రకటించాయి. అమెరికా, రష్యా, ఫ్​రాన్స్​, చైనా, ఇరాన్​ తో సహా పలు దేశాలు సంతాపాన్ని వ్యక్తం చేస్తూ ఆయనతో ఉన్న సాన్నిహిత్యాన్ని గుర్తు చేసుకున్నాయి. ఈ దేశాధ్యక్షులు డా.మన్మోహన్​ సింగ్​ తో తమకున్న బంధాలు, అనుబంధాలను మననం చేసుకున్నారు. ఆయన రాజకీయ పాలన, విదేశీ నీతిపై హర్షం వ్యక్తం చేశారు. పలు సందర్భాల్లో ఆయనతో కలిసిన చిత్రాలను పోస్టు చేస్తూ మన్మోహన్​ కు నివాళులర్పించారు. దేశాధ్యక్షులతోపాటు విదేశాంగ శాఖలు, రాయబార కార్యాలయాల ప్రధానాధికారులూ తమ సంతాపాన్ని ప్రకటించారు. ద్వైపాక్షిక బంధాలను మన్మోహన్​ బలోపేతం చేసిన విధానాన్ని గుర్తు చేసుకున్నారు. ఆయన నిబద్ధతను కొనియాడారు.