448 మిలియన్​ డాలర్లకు సేంద్రీయ ఆహార ఉత్పత్తుల ఎగుమతి

నా తెలంగాణ, న్యూ ఢిల్లీ: భారత్​ సేంద్రీయ ఆహార ఉత్పత్తుల ఎగుమతి 448 మిలియన్​ డాలర్లకు చేరుకుంది. ఇది గతేడాది కంటే ఎక్కువని కేంద్ర ఆహార ప్రాసెసింగ్​ పరిశ్రమల శాఖ మంత్రి నవనీత్​ సింగ్​ బిట్టు లోక్​ సభకు సోమవారం లిఖితపూర్వక సమాధానం ఇచ్చారు. ఈ యేడాది నవంబర్​ నాటికి 2,63,050 మెట్రిక్​ టన్నుల సేంద్రీయ ఆహార ఉత్పత్తులను ఎగుమతి చేశామన్నారు. మంత్రిత్వ శాఖ నిధులను కేటాయించినప్పటికీ, వాణిజ్య, పరిశ్రమల మంత్రిత్వ శాఖ ఆధ్వర్యంలో వ్యవసాయ, ప్రాసెస్డ్​ ఫుడ్​ ప్రొడక్ట్స్​ ఎక్స్​ పోర్ట్​ డెవలప్​ మెంట్​ అథారిటీ (ఏపీఈడీఎ) ఎగుమతిదారులకు ఆర్థిక సహాయం అందజేస్తుందన్నారు. ఎన్​ పీవోపీ (నేషనల్​ ప్రోగ్రామ్​ ఫర్​ ఆర్గాని ప్రొడక్షన్​) అక్రిడిటేషన్​, సేంద్రీయ ఉత్పత్తి ప్రమాణాలు, అభివృద్ధి, మార్కెటింగ్​ ను ప్రోత్సహించడం వంటివి పటిష్టం చేశారు. ఈ కార్యక్రమం కింద భారత్​ లో 1,016 ఆర్గానిక్​ సర్టిఫైడ్​ ప్రాసెసింగ్​ యూనిట్లు ఉన్నాయి. ఏపీఈడీఎ సేంద్రీయ ఉత్పత్తుల్లో గ్లోబల్​ రిటైల్​ చైన్​ లులు గ్రూప్​ ఇంటర్నేషనల్​ తో భాగస్వామ్యం కుదుర్చుకుంది. ఈ భాగస్వామ్యం వల్ల ఎఫ్​ పీవోలు, ఎఫ్​ పీసీలు, సహకార సంఘాలను గ్లోబల్​ మార్కెట్​ తో నేరుగా అనుసంధానం చేయడంతోపాటు నాణ్యమైన ఉత్పత్తులను సరఫరా చేయడమే లక్ష్యంగా పెట్టుకున్నారు.
సేంద్రీయ ఉత్పత్తులకు ప్రపంచవ్యాప్త డిమాండ్‌ పెరుగుతున్న నేపథ్యంలో కీలక సరఫరాదారుగా భారతదేశం తన పాత్రను మంత్రి బిట్టు చెప్పారు. ఈ ప్రయత్నాలు దేశం వ్యవసాయ ఎగుమతి స్థావరాన్ని మరింత పటిష్టం చేయడానికి భావిస్తున్నట్లు పేర్కొన్నారు.