సరిహద్దు వద్ద చొరబాటుదారుడి ఎన్​ కౌంటర్​

జైపూర్​: రాజస్థాన్​ సరిహద్దు శ్రీ గంగానగర్​ లో ఓ చొరబాటుదారుడిని భద్రతా బలగాలు ఎన్​ కౌంటర్​ చేశాయి. పలుమార్లు అతన్ని హెచ్చరించినప్పటికీ సరిహద్దును దాటి భారత్​ లోకి చొరబడేందుకు ప్రయత్నించాడని ఆర్మీ అధికారులు తెలిపారు. బుధవారం తెల్లవారుజామున ఈ ఎన్​ కౌంటర్​ జరిగిందన్నారు. చొరబాటు జరుగుతుందని పక్కా సమాచారం మేరకు అక్కడ నిఘాను ముమ్మరం చేశారు. ఎన్​ కౌంటర్​ అయిన మృతుని వద్ద పాక్​ కు చెందిన కరెన్సీ, సిగరెట్​ ప్యాకెట్లు, మరికొన్ని వస్తువులు లభ్యమైనట్లు అధికారులు తెలిపారు. చొరబాటుదారుడిని సమాచారాన్ని తెలుసుకునేందుకు ప్రయత్నిస్తున్నారు. ఇటీవల హిజ్బుల్​ ముజాహిదీన్​ నాయకుడి ఎన్​ కౌంటర్​ లో భద్రతా దళాలకు కీలక ఆధారాలు లభించాయి. హిజ్బుల్​ ఏకంగా కార్పొరేట్​ సంస్థ తరహాలో ఉగ్రవాదులకు ఐడీ కార్డులను కూడా రూపొందించినట్లు గుర్తించారు.