పాక్​ లో పెరిగిన గాడిదలు!

ఇస్లామాబాద్​: పాక్​ లో గాడిదల సంఖ్య పెరిగింది. గాడిదల సంఖ్య పెరగడంపై ఆ దేశ ఆర్థిక శాఖ మంత్రి మొహ్మద్​ ఔరంగజేబ్​ బుధవారం ప్రకటించారు. 2023–24 పశువుల డేటాపై నిర్వహించిన సర్వే వివరాలను ఆయన వెల్లడించారు. ఈ సర్వే ప్రకారం  ప్రతీయేటా 10వేల గాడిదల సంఖ్య పెరుగుతోందన్నారు. ప్రస్తుతం గాడిదల సంఖ్య 59 లక్షలున్నట్లుగా తెలిపారు. గొర్రెలు, మేకల సంఖ్యలో కూడా పెరుగుదల చోటు చేసుకుంటుందని వివరించారు. పాక్​ గ్రామీణ ప్రాంతాల్లో 80 లక్షలకు పైగా కుటుంబాలు పశువుల ద్వారా జీవనం కొనసాగిస్తున్నారు. అదే సమయంలో పాక్​ లో మొత్తం పశువుల సంఖ్య 5.75 కోట్లు, గొర్రెల సంఖ్య 3.27 కోట్లు, మేకల సంఖ్య 8.7 కోట్లకు, గేదెల జనాభా 4.6 కోట్లకు పెరిగిందన్నారు. దీని ద్వారా 35 నుంచి 40 శాతం కుటుంబాలు జీవనోపాధి పొందుతున్నాయని మంత్రి ఔరంగజేబ్​ తెలిపారు. పాక్​ ఆర్థిక స్థితుల నుంచి గట్టెక్కడం లేదు. మంత్రి ప్రకటన గాడిదల సంఖ్యలో పెరుగుదలతోనైనా పాక్​ ఆర్థిక పరిస్థితిలో మార్పులు రావచ్చేమో.