వైద్యులు సమ్మె విరమించాలి

నా తెలంగాణ, న్యూ ఢిల్లీ: వైద్యుల భద్రతకు కేంద్ర ప్రభుత్వం, సుప్రీంకోర్టు హామీ ఇచ్చిన నేపథ్యంలో రోగుల ప్రయోజనాల దృష్ట్యా సమ్మెలో ఉన్న వైద్యులు తిరిగి విధుల్లోకి చేరాలని ఎయిమ్స్​ (ఢిల్లీలోని ఆల్​ ఇండియా ఇన్​ స్టిట్యూట్​ ఆఫ్​ మెడికల్​ సైన్సెస్​) విజ్ఞప్తి చేసింది. ఆందోళనలు పరిష్​కరించేందుకు ఎయిమ్స్​ ఒక కమిటీని ఏర్పాటు చేసిందని బుధవారం తెలిపింది. రోగుల సందర్శకుల ద్వారా వైద్యులకు భద్రతకు సంబంధించి అంతర్గతంగా పదిహేనుమంది సభ్యులతో కూడిన కమిటీని ఏర్పాటు చేశామని తెలిపింది. పగలు, రాత్రి వైద్యుల భద్రతపై ఈ కమిటీ ఏం చర్యలు తీసుకోవాలన్న నివేదికను ప్రభుత్వానికి, సుప్రీంకోర్టుకు అందజేస్తుందని స్పష్టం చేసింది. ఇందుకు సంబంధించి కమిటీకి వైద్యులు తమ సూచనలు, సలహాలను అందజేయొచ్చని ఎయిమ్స్​ స్పష్టం చేసింది. రోగులకు సరైన వైద్యం కల్పించాల్సిన బాధ్యత వైద్యులపై ఉందని, అదే సమయంలో వారి భద్రతపై కూడా తాము కేంద్రానికి, సుప్రీం నియమించిన కమిటీ సభ్యులతో చర్చిస్తున్నట్లు ఎయిమ్స్​ పేర్కొంది.