బడ్జెట్ తో అన్ని వర్గాల అభ్యున్నతి
అద్భుతాలను సృష్టించే బడ్జెట్ దీర్ఘకాలిక బడ్జెట్ తోనే ఆర్థిక వృద్ధి పటిష్ఠం కేంద్రమంత్రి పీయూష్ గోయల్
ముంబై: పేదలు, రైతులు, యువత, మహిళలు అన్ని వర్గాల అభ్యున్నతికి కేంద్ర ప్రభుత్వం బడ్జెట్ లో ప్రాధాన్యమిచ్చిందని కేంద్రమంత్రి పీయూష్ గోయల్ అన్నారు. ఆదివారం ముంబైలో జరిగిన ఓ కార్యక్రమంలో ఆయన పాల్గొని ప్రసంగించారు. 2024 బడ్జెట్ అద్భుతాలను సృష్టించే విధంగా ఉందని తెలిపారు.
140 కోట్ల మందికి బడ్జెట్ తో మేలు చేకూరనుందన్నారు. స్కిల్ డెవలప్‌మెంట్, ఇంటర్న్‌షిప్‌ల ద్వారా మహిళలకు మరిన్ని అవకాశాలు లభిస్తాయని, రైతుల ఆదాయం పెరుగుతుందని, 4 కోట్ల మంది యువత భవిష్యత్తుకు సిద్ధమవుతారని అన్నారు. ఈ బడ్జెట్ ప్రజలకు ఉపాధిలో సహాయపడుతుందని, వ్యాపారం చేయడం సౌలభ్యం పెరుగుతుందన్నారు.
ఎంస్ ఎంఈలు, స్టార్టప్‌లకు మరింత ప్రోత్సాహాం లభిస్తుందన్నారు. దీర్ఘకాలిక విజన్ ప్లాన్ గురించి మంత్రి మాట్లాడుతూ.. ప్రజాకర్షక బడ్జెట్ స్వల్పకాలానికి లాభదాయకంగా కనిపించొచ్చేమో గనీ దీర్ఘకాలిక ప్రయోజనాలకు నష్టం కలిగిస్తుందన్నారు. దీన్ని దృష్టిలో పెట్టుకొనే దీర్ఘకాల ప్రయోజనాల బడ్జెట్ ను ప్రవేశపెట్టామన్నారు. ఇది ప్రజల ఆర్థిక వ్యవస్థలో కీలక మార్పులను తీసుకువ్తుందని తెలిపారు. దేశ ఆర్థిక వ్యవస్థను మరింత పటిష్టం చేస్తుందని తెలిపారు. ఈ బడ్జెట్ లో అన్ని రాష్ట్రాలకు సమప్రాధాన్యతనిచ్చామని తెలిపారు. ప్రతి రాష్ర్టంలో మౌలిక సదుపాయాలను మెరుగుపర్చనున్నామని పీయూష్ గోయల్ స్పష్టం చేశారు.
